საზოგადოება

„სვანიძის ქუჩის დაზარალებულთა კომიტეტი,, განცხადებას ავრცელებს

[google-translator]

„სვანიძის ქუჩის დაზარალებულთა კომიტეტი“ განცხადებას ავრცელებს, რომელსაც უცვლელად გთავაზობთ”

თბილისის მუნიციპალიტეტის მერიის მოქალაქეთა მომსახურების ცენტრში, სადაც ჩვენი ქალაქის მოქალაქეები სხვადასხვა მოთხოვნით განცხადებებს აბარებენ, დღეს, 18 ოქტომბერს, დაახლოებით 1 საათზე დენი გაითიშა. განცხადებების ჩაბარების რიგში ძირითადად მოხუცები და ქალები იდგნენ. დენის გათიშვის გამო, მწყობრიდან გამოვიდა აგრეთვე კომპიუტერული სისტემა და მოქალაქეთა მიღებაც შეწყდა. იმის მაგივრად, რომ სასწრაფოდ ჩაერთოთ გენერატორები და მუშაობა არ შეეფერხებინათ, მერიის უსაფრთხოების სამსახურმა მოითხოვა, ყველას დაეტოვებინა მოქალაქეთა მომსახურების ცენტრი, რომელიც ამჟამად კოსტავას ქუჩის N72-ში მდებარეობს. შენობის დატოვება მოუწია ჩვენი, „სვანიძის ქუჩის დაზარალებულთა კომიტეტის“ წარმომადგენელსაც, რომელიც იმ დროს მერიაში განცხადების ჩაბარებას ცდილობდა.

დენის გათიშვა მთელი თბილისის მასშტაბით განსაკუთრებით არჩევნების შემდეგ გახშირდა. როგორც ჩანს, „ქართულ ოცნებას“ განსაკუთრებული ტკბობის პერიოდი დაუდგა და არად ადარდებს საკუთარი მოქალაქეები, რომლებსაც აშკარად შევარდნაძის ბნელ ეპოქაში აბრუნებს!

მომხდარის შესახებ კომენტარი გააკეთა „სვანიძის ქუჩის დაზარალებულთა კომიტეტის“ თავმჯდომარემ, ბატონმა თამაზ ელიზბარაშვილმა:

„თბილისის მერია და „ქართული ოცნება“ უკიდურეს სითავხედეზე გადავიდა და, როგორც ჩანს, გამარჯვების ეიფორიაში მყოფებმა გადაწყვიტეს, რომ დედაქალაქის მოსახლეობას ყველაფერი აკადრონ! წარმოგიდგენიათ, მოხუცები და ქალები გამოყარეს გარეთ, რომლებმაც, სავარაუდოდ, ძლივს მიაღწიეს იმ ადგილამდე, რომ ამ მართლაც რომ უნიათო მთავრობისთვის წამლის თუ საჭმლის საყიდელი ფული ეთხოვათ და ისიც საკითხავია, აკმაყოფილებს თუ არა დედაქალაქის მთავრობა მათ მოთხოვნებს! მერიას, რომელმაც არც კი იკადრა საკუთარი მოქალაქეებისთვის აეხსნა რა მოხდა, რატომ გაითიშა დენი ან რამდენ ხანში მოვიდოდა, პასუხი ყველამ ერთად უნდა მოვთხოვოთ! საინტერესოა, რაში იღებენ პრემიებს იქ დასაქმებული ადამიანები, რომ ისედაც გამწარებული მოსახლეობა კიდევ უფრო გაამწარონ?! ეს არის დღევანდელი მერიის სახე და მისი უხარისხო სერვისი!  საინტერესოა, რატომ არ აქვთ გათვალისწინებული, რომ ასეთი შემთხვევების დროს ავტომატურად ირთვებოდეს გენერატორი და ხალხს არ აწამებდნენ 21-ე საუკუნეში?! თუ გენერატორის საყიდელი ფული არ აქვთ, მომმართონ და მე ვუყიდი, რადგან, მათგან განსხვავებით, ჩემი თანამოქალაქეების ბედი ჩემთვის სულ ერთი არ არის“- ნათქვამია განცხადებაში.

დატოვეთ კომენტარი

კომენტარები

მსგავსი სიახლეები

One Comment

  1. 996818 256197Greetings! Quick question thats completely off topic. Do you know how to make your site mobile friendly? My web site looks weird when browsing from my apple iphone. Im trying to discover a template or plugin that may well be able to correct this problem. In the event you have any suggestions, please share. With thanks! 240016

Leave a Reply

Your email address will not be published.

Back to top button
Close