ავტო-მოყვარული

MERCEDES-მა ახალი თაობის A-CLASS წარმოადგინა

კომპანია Mercedes-Benz–მა ოფიციალურად წარმოადგინა მეოთხე თაობის A-Class–ის მოდელი. მანქანა ახალი ძრავით, ტრანსმისიით, ნახევრადავტომატური მართვის სისტემითა და ხმოვანი მართვის მულტიმედიური კომპლექსითაა აღჭურვილი.

ამის შესახებ ინფორმაციას ინტერნეტ გამოცემა Autonews ავრცელებს

სიახლის პრემიერა ამსტერდამში დახურულ ღონისძიებაზე გაიმართა. გერმანულ კომპანიაში განაცხადეს, რომ პირველი მომხმარებლები მანქანებს ივნისში მიიღებენ.

ახალი მოდელის შემუშავება ბოლო რამდენიმე წლის განმავლობაში მიმდინარეობდა და ამ პერიოდში გერმანელებმა ასამდე მოდელი გამოსცადეს. ტესტებს დედამიწის 4 სხვადასხვა კლიმატურ ზონაში ატარებდნენ: ევროპაში, აზიაში, აფრიკაში და ამერიკაში. ავტომობილებმა მთლიანობაში 12 მლნ კილომეტრი გაიარეს გერმანიის, იტალიის, ფინეთის, საფრანგეთის, ესპანეთის, არაბეთის გაერთიანებული საემიროების, სამხრეთ აფრიკის, ჩინეთისა და აშშ–ის გზებზე.

გარეგნულად A-Class კუპისმაგვარ ახალი თაობის CLS–ს დაემგვანა, რომელიც ნოემბერში ლოს–არჟელესის მოტორ–შოუზე წარმოადგინეს.

M2B.GE

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close