საზოგადოება

Independent – რუსეთმა საქართველოში საოკუპაციო საზღვარი ასობით იარდზე ჩუმად გადასწია

რუსეთმა საქართველოს ტერიტორიაზე საოკუპაციო საზღვარი ასობით იარდზე ჩუმად გადასწია, – ამ სათაურით აქვეყნებს სტატიას გამოცემა Independent-ი მცოცავ ოკუპაციასთან დაკავშირებით. 

გამოცემის თანახმად, ოკუპირებული ცხინვალის რეგიონის სიღრმეში სასაზღვრო ნიშნებს კრემლის ჯარისკაცები ამონტაჟებენ. სტატიის ავტორს საქართველოს უსაფრთხოების სამსახურის განცხადება მოჰყავს, სადაც საუბარია, რომ ე.წ. სასაზღვრო ნიშნების აღმართვის პროცესი უკანონოა, არღვევს ადგილობრივი მოსახლეობის უფლებებს და უსაფრთხოების მდგომარეობას პირდაპირ უქმნის საფრთხეს.

სტატიაში საუბარია ნატო-ში აშშ-ის ყოფილი წარმომადგენლის, კურტ ვოლკერის პოზიციაზე, რომელიც საერთაშორისო საზოგადოებას რუსეთისთვის წინააღმდეგობის გაწევისკენ მოუწოდებს.

Independent-ი სტატიაში 1991 წელს, საბჭოთა კავშირის დაშლის შემდეგ განვითარებულ მოვლენებს იხსენებს და 2008 წელს რუსეთის მიერ საქართველოს ტერიტორიების ოკუპაციაზე წერს.

სტატიის ავტორის თქმით, აშშ-ისა და ევროკავშირისგან მხარდაჭერილი საქართველო რუსეთის მიერ ჩატარებულ ოპერაციას მიწის ღიად მიტაცებას უწოდებს.

სტატიაში ნათქვამია, რომ რამდენიმედღიანი ომის შემდეგ, რუსეთმა ცხინვალის რეგიონი დამოუკიდებელ სახელმწიფოდ აღიარა და მას შემდეგ ანალოგიურად მხოლოდ რამდენიმე ქვეყანა მოიქცა.

სტატიის ბოლოს წერია, რომ რუსეთის კრიტიკოსების აზრით, ოკუპირებული ცხინვალის რეგიონში ომი იყო რუსეთის მიერ 2014 წელს ყირიმის ანექსიის და უკრაინის აღმოსავლეთით დონბასის რეგიონში სეპარატისტი მებრძოლების მხარდაჭერის გენერალური რეპეტიცია.

ფოტოგალერეა

1tv.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close