საზოგადოება

ყოფილი კოლეგა სიმონ ნოზაძეს: ,,რა გინდათ, ახლა ხაშურიც დაშალოთ და დაანგრიოთ?!“

ხაშურის დეპუტატობის კანდიდატი სიმონ ნოზაძე 2012 წელსაც იყრიდა კენჭს, მაგრამ მაშინ ვალერი გელაშვილთან დამარცხდა. იგი სახელმწიფო სპეციალური დაცვის სამსახურის ადმინისტრაციის უფროსია და კენჭს ამჯერად ,,მრეწველებიდან” იყრის. სკანდალურ პოსტს აქვეყნებს მასზე, ვახტან ქუთათელაძის კოლეგა, (რომელიც სიმონ ნოზაძემ თავის რეკომენდატორად დაასახელა) სახელმწიფო უსაფრთხოების ყოფილი მაღალჩინოსანი _ გიორგი ჯაბაური: აი, რას წერს მასზე იგი.

გიორგი ჯაბაური:

_ უკაცრავად, უსაფრთხოება და უშიშროება ვიციო, რომ ამბობთ თქვენ და თქვენი რეკომენდატორი ვაქტანგ ქუთათელაძე არ ხელმძღვანელობდით ათასკაციან სამსახურს. ერთადერთი კაცის – შევარდნაძის დაცვა, რომ გევალებოდათ და სამ წელიწადში ორჯერ რომ აგიფეთქეს? თქვენ და თქვენი რეკომენდატორი ვახტანგ ქუთათელაძე არ ხელმძღვანელობდით უშიშროების სამინისტროს კორუფციული სქემებითა და გაუაზრებელი ღონისძიებებით სახელმწიფოს უსაფრთხოება, რომ დაშალეთ და დაანგრიეთ? რა გინდათ, ახლა ხაშურის დაშალოთ და დაანგრიოთ?! თქვენ და თქვენი რეკომენდატორი ვაქტანგ ქუთათელაძე არ ხელმძღვანელობდით უშიშროების სამინისტროს პანკისის ხეობა თქვენი პირადი გამორჩენის მიზნით საერთაშორისო ტერორისტების ბაზად, რომ აქციეთ? არაფერს ვამბობ “რუსთავი-2” -ში ჩატარებულ “ღონისძიებაზე”! არაფრის აზრზე არ ზართ თქვენ და თქვენი რეკომენდატორი ვაქტანგ ქუთათელაძე!! თქვენი მეტასტაზებია დღესაც ქვეყანას რომ ხრავს შიგნიდან!“ – წერს გიორგი ჯაბაური.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close