საზოგადოება

“მის გაკეთებულ საქმეებზე ჩვენ მაინც ვილაპარაკებთ“

უცნაური ამბები ხდება ხაშურში. იქ, სადაც არ უნდა დანიშნულიყო მეორე ტური, დაინიშნა. იქ სადაც რეალური კანდიდატი უნდა გასულიყო, გავიდა არარეალური. მართალია მეორე ტურში, მაგრამ მაინც. თუ რა ხდება, ამის გასაგებად timepress-მა ხაშურის ერთ-ერთი ყველაზე გაჭირვებული ოჯახი ჩაწერა.

ნოზაძეების ოჯახში სამი ინვალიდი ცხოვრობს, ე.წ. შეზღუდული შესაძლებლობის  პირები. მათ ორი ქალი უვლის – ერთი ასაკოვანი და მეორე ახალგარდა. ოჯახი უკიდურეს გაჭირვებაში ცხოვრობს. არც ერთი არ მუშაობს და ჯამური პენსია მხოლოდ 400 ლარს შეადგენს. რომ არა ვალერი გელაშვილი, ისინი აქამდე შიმშილობის ზღვარზე იქნებოდნენ.

მერი ნოზაძე, ოჯახის დიასახლისი _  უვლის შეზღუდული შესაძლებლობის სამ (ორ შვილს და ერთ შვილიშვილს) პირს:

14798837_590735744460620_186098265_n

  • ვისარგებლებ თქვენი მედია საშუალებით და ბატონ ვალერის კიდევ ერთხელ გადავუხდი დიდ მადლობას. მას ბევრი ქველმოქმედება აქვს გაწეული, მაგრამ ამის შესახებ თავად არაფერს ამბობს. არც ჩვენი ამბავი გაუხმაურებია არასდროს და ახლა პირველად, ისევ ჩვენ ვსაუბრობთ. ესეც მისი თავმდაბლობის შედეგია. სხვების მსგავსად ალბათ მასაც რომ ელაპარაკა და მხოლოდ ტელეკამერების წინ ეკეთებინა ყველა ის კეთილი საქმე, რომელიც ხაშურს და ხაშურელებს გაუკეთა, დარწმუნებული ვარ, მეორე ტური აღარ დაინიშნებოდა.
  • ქალბატონო მერი, რთულია შვილებს რომ ამ მდგომარეობაში უყურებთ. მაგრამ, ალბათ კიდევ უფრო რთულია პატარა შვილიშვილიც რომ იგივე მდგომარეობაშია?
  • ჩემს შვილიშვილს, 12 წლის მარიამსაც ჯანმრთელობის უსერიოზულესი პრობლემა – ცერებრალური დამბლა აქვს. ბატონი ვალერი ყველანაირად ცდილობს მის დახმარებას. ჯანმრთელობის მდგომარეობის გაუმჯობესებაში ადამიანს რომ გვერდით დაუდგები, ამაზე დიდი სიკეთე არ არსებობს. რადგან თქვენც მობრძანდით და გვეკითხებით, გადავწყვიტეთ, რომ მის გაკეთებულ საქმეებზე ჩვენ მაინც ვილაპარაკოთ. როგორც ვხედავთ, სიკეთეს ზოგიერთები არ აფასებენ.
  • თქვენ თანაქალაქელებზე საუბრობთ?
  • დიახ, მათზე ვამბობ. მე ჩამოგითვალეთ მის მიერ გაკეთებული ის კეთილის საქმეები, რომელიც ხელისგულზეა და ყველა ძალიან კარგად ამჩნევს და ხედავს. შეუძლებელია, ბატონი ვალერი ამ ყველაფერს მხოლოდ ანგარებით აკეთებდეს,  რადგან იმ ხარჯების უკან ამოღებას,  რასაც გასცემს, ალბათ ათწლეულები დასჭირდება. ის ყველაფერს აკეთებს მხოლოდ სიყვარულით. უნდა, რომ გალამაზდეს ჩვენი ქალაქი და იყოს კომფორტი. უყვარს ხაშური, აქ დაიბადა, გაიზარდა და ბავშვობაც აქ გაატარა. მას სიყვარული ამოძრავებს და ამის დაუნახაობა, დაუფასებლობა, დიდი უმადურობაა. ერთი ჩინელი გლეხი გახდა მილიარდერი და ის სოფელი, სადაც ცხოვრობდა, სიყვარულით ააყვავა. ასეა ვალერი გელაშვილიც. სიყვარული ამოძრავებს, თორემ დედამიწის ნებისმიერ კუთხეში შეუძლია წავიდეს და ბედნიერად, უპრობლემოდ იცხოვროს. ჩემს ხაშურლებს მოვუწოდებ, გვერდით დავუდგეთ ამ ადამიანს და მისი გაკეთებული სიკეთეები ნუ დაგვავიწყდება.
  • წეღან ახსენეთ, რომ, რომ არა „ქართული ოცნების“ დეპუტატი, შიმშილობის ზღვარზე იქნებოდით?
  • დიახ. და კიდევ, ლიტვიდან 4 ათას დოლარიანია ინვალიდის ამწე გამოგვიგზავნა, რომლითაც მთელს ჩვენ ოჯახს უსერიოზულესი პრობლემა მოუხსნა. ორივე შვილის წელს ქვემოთ მოწყვეტილი მყავს, ამიტომ, სწორედ ამ ამწის დახმარებით ხდება მათი გადაადგილება აბაზანაში, ტრანსპორტში, ყველგან. თვითონ არაფერს ამბობს და მის გაკეთებულ საქმეებზე ჩვენ მაინც ვილაპარაკებთ. ხაშურს ძალიან ბევრი დეპუტატი ჰყავდა მანამდე. გამოვიდნენ და თავად თქვან, რა გააკეთეს? ვერაფერსაც ვერ იტყვიან, რადგან არაფერი გაუკეთებიათ. ვალერი გელაშვილი კიდევ უნდა გახდეს დეპუტატი, ხაშურსა და ხაშურელებს კიდევ უფრო რომ გამოადგეს. იმედიანად ვართ, ასეთი ადამიანი რომ  გვყავს გვერდით, თორემ წინა ხელისუფლების მიერ, დაპირებების მეტი არაფერი მიგვიღია.

 

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close