საზოგადოება

თამაზ ელიზბარაშვილი: „თბილისის მერიაში მატყუარა, მექრთამეები სხედან!“

„სვანიძის ქუჩის დაზარალებულთა კომიტეტი“ განცხადებას ავრცელებს, სადაც საუბარია 13-14 ივნისის სტიქიის დროს დაზარალებული თამაზ ელიზბარაშვილისთვის თბილისის მერიის მხრიდან გადაცემულ მიწის ნაკვეთთან დაკავშირებულ პრობლემაზე.

„13-14 ივნისს მომხდარი სტიქიის შედეგად, სვანიძის ქუჩაზე განადგურდა ბიზნესმენ თამაზ ელიზბარაშვილის პირადი ქონება, სადაც ცხოველთა თავშესაფარი ჰქონდა მოწყობილი. კანონის მიხედვით, თბილისის მერიას, სტიქიის დროს განადგურებული ქონების საფასური სრულად უნდა გადაეცა დაზარალებულთათვის. ანაზღაურება იმ ფულით უნდა მომხდარიყო, რომელიც მათთვის მთელმამსოფლიომ შეაგროვა.

თამაზ ელიზბარაშვილს სახელმწიფომფულისნაწილის სანაცვლოდ მიწისნაკვეთებიშესთავაზა. ეს კანონის დარღვევა იყო, მაგრამ ელიზბარაშვილი დასთანხმდა, რადგან ფიქრობდა, რომ ამ დათმობაზე წასვლით, სხვა დაზარალებულები იხეირებდნენ.

თამაზ ელიზბარაშვილს 2 მიწისნაკვეთი გადასცეს – ერთი კაიროს ქუჩაზე და მეორე – დიდ დიღომში. მოგეხსენებათ, ელიზბარაშვილი ცნობილი ცხოველთა დამცველი გახლავთ და კაიროს ქუჩაზე თანამედროვე სტანდარტების შესაფერის ძაღლთა თავშესაფარს აშენებს. დიდ დიღომში გადაცემული მიწის ნაკვეთი კი ფაქტობრივად კუნძული აღმოჩნდა, რომელსაც მისასვლელი გზა არ აქვს. აღნიშნულ ადგილას კი მიწები ბევრად უფრო იაფი ღირს, ვიდრე ელიზბარაშვილს უანგარიშეს.

14877139_10205953672800413_390749990_n

„თბილისის მერიაში მატყუარა, მექრთამეები სხედან! კანონი დაარღვიეს და ფულის მაგივრად მიწა შემომთავაზეს. დავთანხმდი, რადგან მათ მდგომარეობაში შევედი და ანგარიში გავუწიე. 69 დოლარად მიანგარიშეს კვადრატული მეტრი. შევთავაზე, მე 40 დოლარად გაძლევთ, უკან წაიღეთ და ამით ქალაქის ბიუჯეტს ნახევარი მილიონი ლარი მოემატება-მეთქი, მაგრამ უარი მითხრეს. ნახევარ ფასშიც კი არ დაიბრუნეს უკან. მომატყუეს, მამა-სისხლად მომცეს და ახლა, როცა იმ მიწის გამოყენებას ვაპირებ და, პირველ რიგში, უნდა შემოვღობო, ამისთვის გზა მჭირდება, რომელიც არ არსებობს. ფაქტობრივად მეუბნებიან, პარაშუტით ჩახტი და ისე გააკეთეო. ვერტმფრენი უნდა დავიქირავო და სჭირო მასალა ამ მიწაზე ისე ჩავყარო! გზა მინდა, რომელსაც არ მაძლევენ! ფაქტობრივად კუნძულია. გვწერენ, გზა გაქვთო, არადა არ არის! ვითხოვთ, ეს ადგილი სერვიტუტით დაგვიტვირთონ, მაგრამ გვწერენ, გზა უკვე გაქვთო. ფაქტობრივად გვაბრმავებენ! როგორც ჩანს, ქრთამი უნდათ და მერე გაერკვევიან, რა ხდება იმ ადგილას სინამდვილეში და არის თუ არა გზა. ქრთამი უნდათ?  ქრთამის სანაცვლოდ ომს მიიღებენ! კანონით მეკუთვნის გზა. თუ ომი უნდათ, ომს მიიღებენ და ამ ომში უეჭველად დამარცხდებიან და თავს შეირცხვენენ! მე, თამაზ ელიზბარაშვილს მრცხვენია, რომ ჩემს დედაქალაქს  ასეთი სამარცხვინო მთავრობა ჰყავს. მოვუწოდებ ჩემს მეგობრებს მმართველ გუნდში, რომ ეს მექრთამეები გაყარონ მერიიდან, რათა ჩვენს ქალაქსაც ეღირსოს ღირსეული და პასუხისმგებლობით სავსე მმართველები. გული მტკივა, როცა ვხედავ ხალხს თვალებში ნაცარს როგორ აყრიან და მათი ბედი სულ არ ანაღვლებთ“ –  ამბობს თამაზ ელიზბარაშვილი.

 

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close