GFA : სენატორი შეურაცხყოფს ჯორჯ ვაშინგტონს, ადარებს რა მას სააკაშვილს
საზოგადოებრივი ფორუმი “ამერიკის ნამდვილი მეგობრები (GFA)” კალიფორნიის შტატის სენატორის, ჯიმ ნილსენის მიერ, მიხეილ სააკაშვილის მისამართით გამოთქმულ შეფასებას აპროტესტებს და თვლის, რომ სენატორი შეურაცხყოფს ჯორჯ ვაშინგტონის ხსოვნას, ადარებას რა მას მიხეილ სააკაშვილს. საზოგადოებრივი ფორუმი განცხადებას ავრცელებს:
“საზოგადოებრივი ფორუმის “ამერიკის ნამდვილი მეგობრები (GFA)” წევრები აღშფოთებას გამოვთქვამთ 19 აგვისტოს, კალიფორნიის შტატის სენატორის, ჯიმ ნილსენის ყოვლად უსირცხვილო და ქართველი ხალხისთვის კატეგორიულად მიუღებელი გამონათქვამების გამო .
ბატონმა სენატორმა თავს უფლება მისცა და ქართული მართლმსაჯულების მიერ ძებნილ დამნაშავე ექსპრეზიდენტ მიხეილ სააკაშვილს “ქართველი ჯორჯ ვაშინგტონი” უწოდა. ადამიანს, რომელმაც საკუთარი ქვეყნის მოსახლეობის უდიდესი ნაწილი სასოწარკვეთილებაში ჩააგდო; რომლის მიერ შექმნილი დამნაშავე რეჟიმი ფეხქვეშ თელავდა დემოკრატიის ყველაზე დიდ მონაპოვარს-ადამიანის უფლებებს; რომლის პრეზიდენტობის დროსაც უგულვებელყოფილი იყო საკუთრების და სამართლის მოპოვების უფლება; როცა ქვეყანაში გამამართლებელი განაჩენის მაჩვენებელი 0, 01 % იყო !
ასეთ ადამიანს კალიფორნიის შტატის სენატორი დემოკრატიის ნათელ გმირს უწოდებს !- ზნედაცემულ ნარკომანს, ამერიკის ყალბ მეგობარს, რომელმაც რუსეთთან დაპირისპირების საფარქვეშ ჩვენი ქვეყნის ყველა სტრატეგიული ობიექტი რუსეთს მიყიდა და ტერიტორიების 20 % დაკარგა.
მივმართავთ სენატორ ნილსენს, შეწყვიტოს ტირანის მხარდაჭერა.
ბატონო სენატორო, თქვენ არ გაქვთ უფლება კითხვები გააჩინოთ ჩვენი და ამერიკელი ხალხის ურთიერთობებში და შეურაცხყოთ ჩვენი და ჩვენი მეგობრების საამაყო პრეზიდენტი ჯორჯ ვაშინგტონი. მოგიწოდებთ გაუფრთხილდეთ საკუთარ რეპუტაციას, ვინაიდან საქართველოში კარგად იციან, ვინ და რის ფასად ეწევა სააკაშვილის მფარველობას. ნუ გვაფიქრებინებთ, რომ ეს ყველაფერი პირადი გამორჩენის მიზნით კეთდება. გარწმუნებთ, არც ისეთი ასაკი გაქვთ, რომ ყველაფერი გეპატიოთ.
აქვე გვინდა გაგარკვიოთ, რომ ისტორიულად, ყველა დიქტატორს საკუთარ ქვეყანაში ყავდა თაყვანისმცემლები, რომლებიც მას მხსნელად და მესიად აღიარებენ, სამწუხაროდ გამონაკლისი არც საქართველოა და დიქტატორ სააკაშვილსაც ყავს თავისი ფანები, მაგრამ ეს არ გაძლევთ უფლებას, გულისამაჩუყებელი სიტყვებით შეამკოთ დამნაშავე და საქართველოს მოსახლეობას, რომელმაც ტირანი უდიდესი ძალისხმევით მოიშორა, გული ატკონოთ.”
კალიფორნიის შტატის სენატორმა ნილსენმა უკრაინის დამოუკიდებლობის დღესთან დაკავშირებით სიტყვით გამოსვლისას, ოდესის გუბერნატორ მიხეილ სააკაშვილს “ქართველი ჯორჯ ვაშინგტონი “უწოდა . გამოსვლის ამსახველი ვიდეო სააკაშვილმა ფეისბუქის საკუთარ გვერდზე გაავრცელა.
წყარო postalioni.com
