საინტერესო

Forbes-ი ფულის შოვნაზე დაწერილ 2017 წლის საუკეთესო წიგნებს ასახელებს

Forbes-ის რუსულენოვანი გამოცემა ბიზნესის კეთებისა და ფულის შოვნის შესახებ დაწერილ 2017 წლის ბესტსელერ წიგნებს ასახელებს.

 წიგნებში ფინანსური მდგომარეობის გაუმჯობესების სხვადასხვა მეთოდებზე წერია. ავტორები მათ, რომლებსაც გამდიდრება სურთ, სხვადასხვა რჩევებს აძლევენ და მდიდარი ადამიანების წარმატების საიდუმლოს შესახებ უყვებიან.
წლის საუკეთესო “მრჩეველ” წიგნებს შორის მოხვდა ტომ უეინვრაითის მიერ დაწერილი “ნარკოკომიქსები. როგორ უნდა მართო კარტელი?”. მწერალი შეეცადა იმის დადგენას, თუ რა სახის გავლენას ახდენს მსოფლიოს ეკონომიკასა და პოლიტიკაში მიმდინარე მოვლენები ნარკოკარტელების უკანონო ბიზნესებზე; როგორ წყვეტენ ნარკობარონები პრობლემებს და რა ტიპის ეკონომიკურ წინააღმდეგობებთან უხდებათ გამკლავება.
Forbes-ის შემდეგი რჩეული წიგნი ტიმოთი ფერისის “ტიტანების ინსტრუმენტები. მილიარდერებისა და ცნობილი ადამიანების რუტინული ცხოვრება”-ა. მწერალი წიგნში ადამიანის წარმატების საიდუმლოს შესახებ ლაპარაკობს.
კიდევ ერთი წიგნი, სადაც ფულის შოვნის საშუალებებზე წერია, იური მიტინისა და მიხაილ ხომიჩის მიერ ერთობლივად დაწერილი ნამუშევარია, სახელწოდებით “ყველაზე საინტერესო ბიზნესმოდელების ისტორიები”. წიგნის ავტორები მკითხველებს საკუთარი ჰობისა თუ ინტერესების საქმეში გამოხატვისკენ მოუწოდებენ და რამდენიმე წარმატებული ადამიანის მაგალითის შესახებაც მოუთხრობენ. მათი რჩევაა, ადამიანმა ნებისმიერი სულელური იდეაც კი გამოსცადოს, რადგან შეიძლება ამით მილიონერი გახდეს.
გამდიდრების მსურველებს Forbes-ი იოელ ადლერის “რას მალავს კანი? 2 კვადრატული მეტრი, რომელიც ცხოვრების წესს გვკარნახობს”-ის წაკითხვასაც ურჩევს.

სრული ვერსიის ნახვა imedinews.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close