საბავშვო

8 წლის ბიჭმა 4 წლის და მანქანით “მაკდონალდსში” მიიყვანა, “არცერთი წესი არ დაურღვევია”

 

აშშ-ის შტატ ოჰაიოში მცხოვრებმა 8 წლის ბიჭუნამ თავისი 4 წლის და “მაკდონალდსში” მანქანით მიიყვანა.

The Independent –ის ცნობით, ბავშვებმა სახლი მაშინ დატოვეს, როდესაც დედას დივანზე ჩაეძინა.

როგორც გამოცემა იუწყება, ქუჩაში გამვლელებმა შეამჩნიეს, რომ ავტომობილს მცირეწლოვანი ბავშვი მართავდა და პოლიციას დაურეკეს. ბიჭუნა პოლიციის ოფიცრების დანახვაზე მიხვდა, რომ რაღაც ცუდი ჩაიდინა და ტირილი დაიწყო.

„მანქანის მართვა YouTube–ზე ატვირთული ავტომობილის მართვის გაკვეთილების მეშვეობით ვისწავლე. “მაკდონალდსში” იმიტომ წამოვედი, რომ ჩიზბურგერი მინდოდა“, – აღნიშნა ბიჭუნამ პოლიციის ოფიცრებთან საუბრისას.

სამართალდამცველების განცხადებით, ბიჭუნამ დაახლოებით ერთი მილი საავტომობილო წესების სრული დაცვით გაიარა.

„არცერთი წესი არ დაურღვევია. არაფერს დაჯახებია. ეს ყველაფერი ნამდვილად არარეალურია“, – განაცხადა პოლიციელმა.

 

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close