საზოგადოება

ვის დაეხმარა ზაზა ხატიაშვილის ქალიშვილი გაყიდული ნახატის თანხით?

საქართველოს ადვოკატთა ასოციაციის თავმჯდომარის – ზაზა ხატიაშვილის ქალიშვილი, უსაყვარლესი მერიკო, ყველა სხვა სიკეთესთან ერთად შემოქმედებითი ნიჭითაც არის დაჯილდოვებული, ის ჯერ მხოლოდ 11 წლისაა და მისი ნამუშევრები უკვე 8 გამოფენაზე იქნა წარდგენილი. როგორც ჩანს, მერიკო სულაც არ აპირებს ცნობილი მამის ჩრდილქვეშ ყოფნას. სავარაუდოა, რომ თუ ამ ტემპით განაგრძო წინსვლა, მალე საპატიო ადგილსაც დაიკავებს ხელოვნების ისტორიაში. ახლახანს მისი ერთ-ერთი ნატურმორტი გაიყიდა და მიღებული თანხა გოგონამ ლეიკემიით დაავადებული ბავშვების დასახმარებლად გადარიცხა.

გთავაზობთ ინტერვიუს მერიკო ხატიაშვილთან:

_ მერიკო, მოგვიყევი რამდენი წლიდან ხატავ და როგორ შეხვედი ხატვის წრეზე?

_ ძალიან პატარა ვიყავი ხატვა რომ დავიწყე, თავდაპირველად ვხატავდი საყვარელი მულტფილმების გმირებს და ძალიან მსიამოვნებდა ეს პროცესი. ყველაზე ხშირად მულტფილმი „ Totally spies“- ის გოგონებს ვხატავდი. ერთხელ, დედასთან ერთად ცეკვის წრეზე მიმავალმა, ქუჩაში შემთხვევით შევნიშნე აფიშა, რომელზეც დედამ ამოიკითხა, რომ ისნის მოსწავლე-ახალგაზრდობის სასახლე ხატვის წრეზე იწვევდა ბავშვებს. ბევრი აღარ მიფიქრია, რადგან ეს ის ადგილი იყო, საითაც გული მიმიწევდა. ავიღე ჩემი ნამუშევრების ალბომი და ხატვის წრის ხელმძღვანელს მივუტანეთ. მასწავლებელმა დაათვალიერა ჩემი ნახატები და თქვა, რომ აშკარად მქონდა ხატვის ნიჭი. მახსოვს, მეორე დღეს უკვე სახატავი რვეულით გამოვცხადდი მასთან და თავისუფალი თემიდან ბუნების პეიზაჟის დახატვა ვარჩიე.

13419226_1556085288021434_911363780350073440_n

 _  ხომ არ გახსოვს კონკრეტულად რა დახატე?

– კი, რა თქმა უნდა, დავხატე სახლი, ხეები, ყვავილები, მზე და ღრუბლები.

  _  ახლა რით ხატავ, ფანქრით თუ ზეთებით?

_ თავდაპირველად, ფანქრით ვხატავდი, შემდეგ გუაშზე გადავედი, ახლა კი ჩემი ყველა ნახატი, ძირითადად ზეთით არის შესრულებული.

  _  არსებობს ისეთი ადამიანი, რომელსაც გინდა, შენი ახალი ნამუშევარი აჩვენო ხოლმე პირველად დაშეაფასებინო?

_  ასეთი ადამიანი დედაა, პირველად ყოველთვის ის ნახულობს ჩემს ნახატებს და მიფასებს.

13445701_1556085411354755_4659842765939561398_n

ასევე, ჩემი მხატვრობის დიდი დამფასებელი არის ჩემი დათო ბიძია, დავით მიქაბერიძე, ელისო დეიდას მეუღლე. ჩემი ყველა ნამუშევარი მისთვის არის ძვირფასი.  ცხადია, მას ერთ-ერთი ნამუშევარი ვაჩუქე  და  სახლში, მისაღებ ოთახში აქვს გამოფენილი.

  _  მერიკო, სახვითი ხელოვნების რომელი ჟანრით ხარ დაკავებული ამჯერად?

_ ახლა ვხატავ ნატურმორტებს და პეიზაჟებს, თუმცა სამომავლოდ ვგეგმავ პორტრეტების ხატვაც ვცადო. თანაც, უკვე მთელი რიგი მყავს ადამიანების, რომლებსაც სურთ, მათი პორტრეტი გავაკეთო (იცინის), არ მინდა გული დავწყვიტო მათ.

 _ ახლა კი შენი გამოფენების შესახებ გვიამბე. ვიცი, რომ უკვე საკმაოდ ბევრ გამოფენაში გაქვსმონაწილეობა მიღებული

_  სულ რვა გამოფენა მქონდა, აქედან ერთი პერონალური იყო. ისნის მოსწავლე- ახალგაზრდობის სკოლიდან ხელმძღვანელებმა ამოარჩიეს 5 ბავშვი, რომელთა ნამუშევრებიც განსაკუთრებულად მოეწონათ და თითოეულს მოუწყეს პერსონალური გამოფენა. ერთ-ერთი მათგანი ვიყავი მე. გამოფენა გასული წლის 24 მაისს მოეწყო შარდენზე, ღია ცის ქვეშ. ბოლო გამოფენა კი, რომელშიც მივიღე მონაწილეობა, ეძღვნებოდა „ვეფხისტყაოსნი“-ს  850 წლის თავს, სადაც თემატური ნამუშევრები წარმოვადგინეთ.

 _  ჩიტმა მომიტანა ამბავი, რომ სულ ცოტა ხნის წინ, შენ ლეიკემიით დაავადებულ ბავშვებს დაეხმარე.მომიყევი ამის შესახებ

_  1 ივნისს, ბავშვთა დაცვის დღესთან დაკავშირებით, მოეწყო გამოფენა, რომელიც ვაკის პარკში ჩატარდა. სამწუხაროდ, მე ვერ დავესწარი გამოფენას, სხვა ღონისძიებაზე უნდა ვყოფილიყავი. ამიტომ ჩემს ნაცვლად იქ დედა იყო წასული. მალე დედამ დამირეკა და მითხრა, რომ ერთ-ერთ უცხოელს ჩემი ნახატის შესყიდვა სურდა. თუმცა მე უარი ვთქვი მის გაყიდვაზე. თანაც ის ნახატი მე დედას ვაჩუქე ერთ-ერთ დაბადების დღეზე, ამიტომ ძალიან ძვირფასი იყო ჩემთვის. თუმცა მოგვიანებით ნახატი მაინც გაიყიდა, თანხა კი ლეიკემიით დაავადებული ბავშვების ფონდში ჩაირიცხა. არ შემეძლო, უარი მეთქვა მათ დახმარებაზე.

13445769_1701169343467246_2398736419039920356_n

_  ნამდვილად სამაგალითო საქციელია. მიხარია ახალ თაობაში შენნაირი გოგობიჭები რომ არიანმითხარი, შენს ნახატებს თუ ჩუქნი ხოლმე ახლობლებს, მეგობრებს?

_ ბევრი ნახატი მაქვს გაჩუქებული, ზოგს დაბადების დღესთან დაკავშირებით ვაჩუქე, ზოგს კი ისე, უბრალოდ.

_ საყვარელი ნამუშევარი თუ გაქვს?

_  ბევრი ნახატი მიყვარს, მიჭირს ხოლმე გამოყოფა, მაგრამ ერთხელ დავხატე ზღვის პეიზაჟი, ჩამავალი მზით, რომელიც განსაკუთრებით მიყვარს დღესაც. ეს ნახატი მამას ვაჩუქე დაბადების დღეზე. მან ის თავის კაბინეტში ჩამოკიდა, რამაც ძალიან გამახარა.

13413671_1556085578021405_1105654406756576545_n

.

13407141_1556085241354772_3458338138973372893_n

_ისიც გავარკვიე, რომ სამაგალითო მოსწავლე ხარ. სკოლის საგნებიდან რომელი გიყვარს ყველაზე მეტად?

_ გეოგრაფია, ბუნება და ფრანგული. ერთხელ დედას კრებაზე უთხრეს, ისე კარგად იცის ფრანგული მერიკომ, ხანდახან გვგონია, ფრანგი მშობლები ჰყავსო. იმ დღით შინ ძალიან გახარებული დაბრუნდა დედა.

_  პროფესია თუ გაქვს უკვე არჩეული?

_ კი, მსახიობობა მაქვს გადაწყვეტილი, თუ ეს არ გამომივიდა, მაშინ იურისტი გავხდები. ადვოკატობა მინდა, უდანაშაულო ადამიანებს დავიცავ.

_ რამ განაპირობა შენი ასეთი სურვილი?

_  ერთხელ სკოლაში ნაწარმოებთან დაკავშირებით მოვაწყვეთ იმიტირებული სასამართლო. მე ვიცავდი ერთ-ერთ პერსონაჟს. ეს პროცესი ძალიან მომეწონა, ამიტომ თუ მსახიობი არ გავხდი, მაშინ ვიქნები იურისტი-ადვოკატი.

_  გარდა იმისა, რომ ხატვით დიდ სიამოვნებას იღებ, კიდევ რით გიყვარს გართობა თავისუფალ დროს?

_ ძალიან მიყვარს ფეხბურთის ყურებაც და თამაშიც. საყვარელი საფეხბურთო გუნდი არის „ ბარსელონა“. ჩემთვის კვირის საყვარელი დღე პარასკევია, რადგან პარასკევ საღამოს დედასთან და მამასთან ერთად „ The ვანოს შოუ“-სა და „ქერის უბანი“-ს ვუყურებ (იცინის).

_ როგორ ფიქრობ ვინ არის შენი ყველაზე დიდი გულშემატკივარი?

_ მამა ჩემი ყველაზე დიდი გულშემატკივარია.

„ფოსტალიონი“ წარმატებებს უსურვებს ამ განსაკუთრებით ნიჭიერ, საყვარელ და კეთილ გოგონას ცხოვრების ასპარეზზე.

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close