$31.6 მილიონად შეფასებული უნიკალური ვარდისფერი ბრილიანტი აუქციონზე ახალ რეკორდს ადგენს

07/19/2016

უკიდურესად იშვიათი, 15,38 კარატიანი მსხლის ფორმის ვარდისფერი ბრილიანტი – ე.წ. “უნიკალური ვარდისფერი’’, ჟენევაში, სოტბის აუქციონზე, $ 31.6 მილიონად გაიყიდა, რაც მას ყველაზე ძვირადღირებულ, ლამაზ ნათელ ვარდისფერ ბრილიანტად ხდის, რომელიც ოდესმე აუქციონზე გაყიდულა. შთამბეჭდავი ბრილიანტი, რომელიც სადა ბეჭედში იყო ჩასმული, აზიელმა კერძო მყიდველმა იყიდა, რომელმაც იშვიათი ქვა ტელეფონით მოხსნა. სოტბის პრესსპიკერის განცხადებით, ჯერ-ჯერობით მათ მყიდველის ვინაობის გამჟღავნება არ შეუძლიათ.

“რთული წარმოსადგენია ბრილიანტი, რომელიც უკეთ ასახავს ტერმინს – ნათელი ვარდისფერი, ვიდრე ეს განსაკუთრებული ქვა … ფერი უბრალოდ გასაოცარია,” განაცხადა დევიდ ბენეტმა, სოტბის საერთაშორისო ძვირფასეულობის მსოფლიო თავმჯდომარემ, გაყიდვის გამოცხადებისას მის განცხადებაში. ყველაზე ძვირადღირებულ ვარდისფერ ბრილიანტად, რომელიც ოდესმე აუქციონზე გაყიდულა, რჩება 24.78 კარატიანი “Graff Pink”, რომელიც სოტბიზე 2010 წლის ნოემბერში $ 46.2 მილიონად გაიყიდა.

თუმცა, “უნიკალური ვარდისფერის“ გაყიდვამ დაჩრდილა 2015 წელს წარმოდგენილი ნათელი ვარდისფერი ბრილიანტის, „Sweet Josephine”-ის მიერ დადგენილი წინა რეკორდი.

16,08 კარატიანი ბრილიანტი $ 28,5 მილიონად ჰონ კონგელმა მილიარდერმა, ჯოზეფ ლაუმ შეიძინა თავისი 7 წლის ქალიშვილის, ჟოზეფინისთვის.

ეს ბრილიანტები ფერის იშვიათობით ეჯიბრებიან ლაუს მიერ ქალიშვილისთვის სოტბის აუქციონზე შეძენილ ბრილიანტს. 12,03 კარატიანმა ლურჯმა ბრილიანტმა blue sparkler-მა გააორმაგა “Blue Moon of Josephine”-ის ფასი და $ 48.4 მილიონად გაიყიდა, რითიც მსოფლიოში ყველაზე ძვირადღირებული ბრილიანტი გახდა, რომელიც ოდესმე ყოფილა.

მაგრამ ეს რეკორდი შეიძლება მალე შეიცვალოს 14,62 კარატიანი “Oppenheimer Blue” -თი, მსოფლიოში ყველაზე ნათელი ლურჯი ბრილიანტით, რომელიც ოდესმე აუქციონზე გაყიდულა. ეს ბრილიანტი ჩაქუჩის დარტყმას ჟენევაში, კრისტის აუქციონზე ოთხშაბათს ელოდება.