პოლიტიკა

,,2008 წლის საპარლამენტო არჩევნებზე ოპოზიციის დამარცხება, სწორედ ამ ხალხის ღალატმა გამოიწვია”

შალვა ნათელაშვილი: ფუუ, მართლა თქვენი...

,,ბოროტ-ტვინდაბნელებულთა ნაწილი წლობით მედავებოდა, რატომ არ დავუჭირე მხარი მაშინ ამ ბატონის კანდიდატურას და როგორ გავბედე საკუთარი კანდიდატურის დაყენება. იქამდეც მივიდნენ, რომ თურმე სააკაშვილის დავალებით ვიყარე კენჭი, რათა არ მოვეკალი ან არ დავეჭირე. ფუ, მართლა თქვენი…
2008 წლის საპარლამენტო არჩევნებზე ოპოზიციის დამარცხება სწორედ აღნიშნულმა ღალატმა გამოიწვია და არა იმან, რომ 12 წლის შემდგომ ისინი,ანუ ოპოზიციური პარტიები თურმე შალვა ნათელაშვილის—-ფანჩატურში—აპირებდნენ დაჯდომას” _ წერს ლეიბორისტული პარტიის თავმჯდომარე შალვა ნათელაშვილი.
შეგახსენებთ, რომ მომღერალი გია გაჩეჩილაძე (უცნობი), რომელიც წინა ხელისუფლების აქტიური და მწვავე ოპონენტი გახლდათ, 2008 წელს, შავნაბადაზე მიხეილ სააკაშვილთან შეხვედრას იხსენებს.ამის შესახებ მან „ტვ პალიტრის“ ეთერში, მერაბ მეტრეველთან ინტერვიუში ისაუბრა:

„არ ვჩერდებოდი და არ ვეგუებოდი გაყალბებულ საპრეზიდენტო არჩევნებს. მომინახეს მეგობარი, ვისაც დაარეკინეს და ძალიან მთხოვა, ავსულიყავი სააკაშვილთან შავნაბადაზე.

ავედი, მე და ბიძინა გეგიძე ვიყავით. იქ იჯდნენ სააკაშვილი, გივი თარგამაძე, ნიკა რურუა და ა.შ. მთხოვდა – რა ვქნა, რა გავაკეთოო?! ოღონდ ახლა შენ გაჩერდი, მეტს აღარ ვიზამ, რაც მოხდა, ისეთი აღარ ვიქნებიო. მეთქი, რა უნდა მინდოდეს, ღირსეული პრეზიდენტი მინდა იყოთქო. არ გიჯერებთქო. მომეცი სიხშირე, ტელევიზია გამაკეთებინეთქო და… კი ბატონოო, წაიღეო.

კენია ხომ არ ვართო. ინაუგურაციაზე მილიონი სტუმარი ჩამოდის და იქ რომ სისხლისღრვრა ავტეხოთ, თან ხომ იცი, არავინ არ გააშუქებს ამასო. კარგი მეთქი. სხვა რა გზა მქონდა. სისხლისღვრაზე მაინც გამორიცხული იყო, ის ხალხი რომ წამეყვანა. ნუ, შემდეგ საპარლამენტო არჩევნებში ოპოზიცია დამარცხდა და ვინ იყო მაშინ ის ოპოზიცია, დღეს შალვა ნათელაშვილის ფანჩატურში რომ ზიან, ისინი. ხომ წარმოგიდგენიათ, რა სიტუაციაში ვიყავით. სატელევიზიო სიხშირესთან დაკავშირებით ინაუგურაციის მეორე დღესვე გადამაგდო. არ მინდოდა, კიტოვანის, სიგუას და იმათი სახელი დამრქმეოდა“, – ამბობს გია გაჩეჩილაძე.

დატოვეთ კომენტარი

კომენტარები

მსგავსი სიახლეები

Back to top button
Close