65 წლის კაცი ოჯახში ძალადობისთვის გაასამართლეს. შემთხვევა ხელვაჩაურის ერთ-ერთ სოფელში მოხდა. ინფორმაციას გაზეთი „ბათუმელები“ ავრცელებს.

სასამართლო განაჩენის თანახმად, „დაახლოებით 20:30 საათზე, 65 წლის კაცმა ჩაცმულობასთან და სამსახურებრივ საქმიანობასთან დაკავშირებით წარმოქმნილი ურთიერთშელაპარაკების ნიადაგზე, ოჯახის წევრს, შვილიშვილს სხეულზე ხელის რამდენჯერმე დარტყმით მიაყენა ფიზიკური ტკივილი“.

ხელვაჩაურის რაიონულ სასამართლოში ოჯახში ძალადობისთვის ბრალდებულმა წარდგენილი ბრალი აღიარა და პროკურატურამ მასთან საპროცესო შეთანხმება გააფორმა. მოსამართლემ მას 9 თვით თავისუფლების აღკვეთა მიუსაჯა, რაც საბოლოოდ, ერთწლიანი გამოსაცდელი ვადით შეუცვალა.

გუშინ ასევე გავრცელდა ინფორმაცია, რუსთავში ბავშვზე ძალადობის ფაქტის შესახებ. ძალადობაში ეჭვმიტანილი ბებია პოლიციის განყოფილებაში გადაიყვანეს

დატოვეთ კომენტარი

კომენტარები

Загрузка...