ინტერნეტ–კომპანია Amazon–ის დამფუძნებელი ჯეფ ბეზოსი ისტორიაში ყველაზე მდიდარი ადამიანი გახდა – მისმა ქონებამ $105,1 მლრდ შეადგინა.
ამის შესახებ ინფორმაცია დღეს ტელეკომპანია CNN-მა გაავრცელა.
ტელეკომპანიის ცნოგბით, ბეზოსის ქონება, ძირითადად, მისი კომპანიის აქციების ფასის ზრდამ განაპირობა. Amazon–ი მსოფლიოში უმსხვილესი ონლაინ–რითეილერია. ახალი წლიდან კომპანიის ერთი აქციის ფასი 6,62%–ით $1,3 ათასამდე გაიზარდა. სააგენტო Bloomberg–ის მიერ გამოქვეყნებულ მილიარდერების რეიტინგებში Amazon–ის მფლობელის ქონება $105,1 მრლდ–დაა შეფასებული. ჟურნალ Gorbes-ის ანალოგიურ ჩამონათვალში ბეზოსის ჯამური აქტივების მოცულობა $104,4 მლრდ–დაა შეფასებული.
მანამდე, ისტორიაში უმდიდრეს ადამიანად ამერიკული კომპანია Microsoft–ის დამფუძნებელი ბილ გეითსი ითვლებოდა. ბეზოსის მფლობელობაში შედის გაზეთი Washington Post და კომპანია Blue Origin–იც შედის. ეს უკანასკნელი ხომალდის შემუშავებითაა დაკავებული.
Amazon–ი მსოფლიოში უმსხვილესი კომპანიაა, რომელიც საქონლისა და მომსახურების ინტერნეტ–გაყიდვებს აწარმოებს. ჯეფ ბეზოსმა ეს კომპანია 1994 წელს დააფუძნა. Amazon–ის ბრუნვამ მხოლოდ 2016 წელს $136 მლრდ შეადგინა.
m2b.ge
