საზოგადოება

,,კარვებში არის რისკი, რომ იქ მყოფი ადამიანები გაიგუდონ ან ,,კერასინკები” აალდეს და დაიწვან”

აქციის მონაწილეები კარვებთან ელექტროენერგიის მიყვანას ითხოვენ

ერთი მნიშვნელოვანი პრობლემის შესახებ მინდა დავწერო:
როგორც იცით, პარლამენტის წინ უკვე 20-მდე კარავი დგას, სადაც ყოველდღიურად 100-ზე მეტ ადამიანს უწევს ყოფნა და მათ ნაწილს, ღამის გათენებაც. დღეს კარვების ქალაქს შეემატა კიდევ ერთი კარავი ლეიბორისტული პარტიიდანაც და ვაპირებ იქ გადავიდე მთლიანად სამუშაო რეჟიმზე სხვა ადამიანებთან ერთად.
ეს არის ჩვენი პროტესტის გამოხატვის ფორმა! ჩვენ ამის უფლებას გვაძლევს საქართველოს კანონმდებლობა.
პრობლემა არის ის, რომ ადგილზე არ არის არანაირი დენის წყარო. თბილისის მერია გამიზნულად ურთულებს აქციის მონაწილეებს ცხოვრებას და უქმნის დაბრკოლებებს, რათა დანებდნენ და დაიშალონ. ვერ დატენი ვერც ტელეფონს, ვერ გამოიყენებ ვერც ლეპტოპს. ღამით ყინვაში ვერ გათბები ნორმალურად (პანდემიის პერიოდში). ხალხს კარვებში უდგათ ე.წ. “კერასინკები” და ასხამენ ნავთს ან დიზელს, რასაც საშინელი სუნი და კვამლი აქვს. რისკია რომ უბრალოდ გაიგუდო, ან ინტოქსიკაცია დაგემართოს, ან უბრალოდ აალდეს და გადაწვას კარავი. ამის გამო ღამე ვერ ტოვებენ ჩართულს ამ საბჭოთა მოწყობილობებს და უწევთ ყინვაში ძილი.
თბილისის მერია როგორ გულგრილობასაც იჩენს აქციის მონაწილეების მიმართ, ალბათ ფხენიანის მერიაც კი არ მოექცეოდა ასე ჩრდილოეთ კორეელ დემონსტრანტებს (ასეთების არსებობის შემთხვევაში).
ხოდა ერთადერთს ვითხოვ თქვენგან
თბილისის მერია / Tbilisi City Hall
Kakha Kaladze კახა კალაძე
ერთი “შტეპსელი” მოგვიყვანეთ კარვებთან და შემდეგ ჩვენ მივხედავთ ჩვენს თავს. ამაში მაინც გამოიჩინეთ ჰუმანურობა…
ვთხოვ დახმარებას იმ არასამთავრობო ორგანიზაციებსაც, რომლებიც მუშაობენ ადამიანის უფლებებზე და დემოკრატიის განვითარებაზე საქართველოში. იქნებ თქვენ მაინც მიიტანოთ ეს ამბავი შესაბამის ადამიანებთან და მოგისმინონ ❤
საქართველოს ახალგაზრდა იურისტთა ასოციაცია
საქართველოს დემოკრატიული ინიციატივა / Georgian Democracy Initiative
საერთაშორისო გამჭვირვალობა-საქართველო
სამართლიანი არჩევნები (ISFED)
საერთაშორისო რესპუბლიკური ინსტიტუტი საქართველო – IRI Georgia
NDI Georgia
ღია საზოგადოების ფონდი I Open Society Georgia Foundation
Emc • ადამიანის უფლებების სწავლებისა და მონიტორინგის ცენტრი
Rights Georgia / უფლებები საქართველო
ტოლერანტობის და მრავალფეროვნების ინსტიტუტი – TDI
ადამიანის უფლებათა ცენტრი / Human Rights Center
მიშკა ქუმსიშვილი, ლეიბორისტული პარტიის ახალგაზრდული ორგანიზაციის ხელმძღვანელი

დატოვეთ კომენტარი

კომენტარები

მსგავსი სიახლეები

Back to top button
Close