ალეკო ელისაშვილი, პოლიტიკოსი:

_ ანუ რა გამოდის: ორ ექსპერტს წლების მანძილზე დამალული ჰქონდათ რაღაც რუკა და მთელი სახელმწიფო, თავის მრავალათასიანი უშიშროებით ტყემალზე იჯდა. ოცნება ხელისუფლებაში მოვიდა და მთელი რვა წელიც ვერ გაიგეს ამ გადამალული რუკების ამბავი. არჩევნებამდე 3 კვირით ადრე გაიღვიძეს და სახელმწიფო ღალატს მიხვდნენ. ალილუია! თან იმ დროს, როდესაც აზერბაიჯანი და სომხეთი ფართომასშტაბიან ომში არიან ჩაბმულები, ამ დროს გაახსენდათ აზერბაიჯანთან დაუდგენელი საზღვარი. არის რაღაცეები, რაც წინასაარჩევნოდ არ უნდა გააკეთო და ეს ზუსტად ერთ-ერთი ასეთი საკითხია. უკადრებელს კადრულობთ, სახელმწიფო ინტერესებს აზიანებთ და ხართ უმსგავსოები!

შეგახსენებთ, რომ დავით გარეჯის რუკებთან დაკავშირებულ სისხლის სამართლის საქმეზე დააკავეს ივერი მელაშვილი და ნატალია ილიჩოვა.

დატოვეთ კომენტარი

კომენტარები