ჯანდაცვის კომიტეტის თავმჯდომარე დიმიტრი ხუნდაძემ პარლამენტის ტრუბუნიდან ჩამოთვალა, მისი თქმით ის ტყუილები, რომზეც ოპოზიცია განგაშის ზარს რეკავს:

,,პირველი ტყუილია მაგალითად ის, რომ ქვეყანაში სიცოცხლის ხანგრძლივობა შემცირდა. კი, მათი პოლიტიკური სიცოცხლის ხანგრძლივობა შემცირდა და ითვლის სულ ერთ თვეს და რამდენიმე დღეს, მაგრამ ქვეყანაში ადამიანების სიცოცხლის ხანგრძლივობა არის გაზრდილი.

შემდეგი ტყუილია ის, რომ ქვეყანაში შიმშილით იღუპებიან ბავშვები და 60-70 % არის სიღარიბის ზღვარს ქვემოთ. რა თქმა უნდა, სოციალოური ფონი არის ის, რაც არის და ეს გაჭირვება არ დაწყებულა არც გუშინ და არც გუშინწინ, მაგრამ 2012 წელთან შედარებით, სიღარიბე არის შემცირებული”.

ტვ1-ის ,,პოლიტიკური პარასკევი”-ს ეთერში ჟურნალისტმა ინგა გრიგოლიამ ხუნდაძის განცხადებაზე ასეთი კომენტარი გაუკეთა:

,,გვეუბნებიან, რომ სიღარიბე შემციურდაო. იუნისეფის კვლევა მინდა გავიხსენო, რომელიც ამბობს, რომ საქართველოში 50 000 -ზე მეტი ბავშვი ფაქტიურად შიმშილობს და მოკლებულია ჯანდაცვის, განათლებისა და მომავლის შექმნის პერსპექტივას”.

 

დატოვეთ კომენტარი

კომენტარები