როგორც ჩვენთვის გახდა ცნობილი,  თბილისის ავტობუსებზე მომუშავე მძღოლებს ტელეფონით უკავშირდებიან და ეუბნებიან, რომ თბილისის სატრანსპორტო საწარმოს წარმომადგენლებს აინტერესებთ გარკვეული ინფორმაციები და სასწრაფოდ უნდა მიაწოდონ. მძღოლებს  მოთხოვეს პირადობის მოწმობის ნომრები; საცხოვრებლების მისამართები; ოჯახში წევრების რაოდენობა; მიდიან თუ არა არჩევნებზე და ვის აძლევენ ხმას.

მძღოლებმა მობილური ტელეფონის ის ნომერიც გაგვიმხილეს, რომლიდანაც მათთან მსგავსი შინაარსის ზარები განხორციელდა. როგორც გვითხრეს, უცნობი მამაკაცი, მათ კომპანიის თანამშრომლად გაეცნო და პირადი ინფორმაციები მოსთხოვათ. მოგეხსენებათ, კანონით, პირადი ინფორმაციების გამოძალვის უფლება არავის აქვს და მსგავსი ფაქტები განიხილება თანამშრომლებზე ზეწოლად ანუ დანაშაულად.

euronews.ge შეეცადა გაერკვია, ვის ეკუთვნოდა ტელეფონის აღნიშნული ნომერი. აღმოჩნდა, რომ მამაკაცი, რომელიც ზაზა მაზანაშვილად გაგვეცნო, მართლაც მუშაობს თბილისის სატრანსპორტო კომპანიაში. როცა ვუთხარით, რომ საინფორმაციო სააგენტოდან ვიყავით, ცოტა დაიბნა, თუმცა გვითხრა, რომ არავისთვის დაურეკავს და არც პირადი ინფორმაციები მოუთხოვია.

,,სატრანსპორტო კომპანიაში ვმუშაობ, ზაზა მაზანაშვილი ვარ, ეს სამსახურის ნომერია…

ჩემი ნომრიდან არავისთან  დამირეკავს. ვიღაცამ შეცდომაში შეგიყვანათ. მაჩვენონ ჩანაწერი და მერე ვილაპარაკოთ…

არავის მე არ ვურეკავ. თანაც ამ კომპანიაში არც უფროსი ვარ და არც ხელმძღვანელი, არც მძღოლი, შეხება არა მაქვს მაგასთან…

კიი სატრანსპორტო კომპანიაა, ქალბატონო”_ გვითხრა ზაზა მაზანაშვილმა.

დატოვეთ კომენტარი

კომენტარები