საინტერესო

ჯანმრთელობა სიბინძურეშია?!

თანამედროვე კვლევების თანახმად, ბავშვებს სჭირდებათ მიკრობები და არა ანტიბიოტიკები, იმისათვის რომ აიმაღლონ თავიანთი იმუნიტეტი. აუცილებელია ჩვენს შვილებს მივცეთ საშუალება ითამაშონ ტალახსა და ჭუჭყში. ჰიპერ-ჰიგიენური გარემო ასუსტებს პატარების იმუნურ სისტემას, იწვევს ალერგიას. ზედმეტად სუფთა გარემოში ყოფნა, ანტიბაქტერიული საპნების ხშირი გამოყენება ანადგურებს მიკრობებს სხეულზე, რაც ეწინააღმდეგება იმუნიტეტის გაძლიერებას ქრონიკული დაავადებების წინააღმდეგ ბრძოლაში. სახლის დალაგება და დასუფთავება აუცილებელია, ისევე როგორც ხელის დაბანა ჭამის ან საპირფარეშოდან გამოსვლის შემდეგ, თუმცა გარემო უნდა იყოს სუფთა და არა სტერილური. მაგალითად: ბავშვები, რომლებიც ხშირად დადიან სოფელში, ფერმასთან, ბუნებასთან აქვთ შეხება ან შინაურ ცხოველებთან ერთად იზრდებიან, ნაკლებად უვითარდებათ ასთმა და ალერგია. მიეცით მათ საშუალება ითამაშონ თავისუფლად იქ, სადაც უნდათ, ისინი უფრო ჯანმრთელები და ბედნიერები გაიზრდებიან.

რაც უფრო ჭარბი მიკრობული ექსპოზიცია არის ადრეული ასაკიდან ადამიანის ორგანიზმში, მით უფრო ნაკლებია ალერგიული დაავადებები. მიკრობები, რომლებიც ჩვენთან ერთად ცხოვრობენ, ჩვენი “ძველი მეგობრები” არიან. რაც უფრო განვითარებული ხდება საზოგადოება, სუფთა ცხოვრება, ყველაფერზე ვაქცინაცია, ანტისეპტიკური საპნების გამოყენება, ბევრი ანტიბიოტიკის მიღება- ამან განაპირობა “ძველი მეგობრების” მოსპობა.

დადგენილია, რომ რაც უფრო ბევრნი არიან ოჯახში, მით უფრო ნაკლებია ალერგიული დაავადებები. ასევე სოფლის პირობებში. ხოლო ოჯახში, სადაც ერთი შვილია, მეტია ალერგიული დაავადებები. სანიტარული ნორმების დაცვა, ანტიბიოტიკების ხშირი მიცემა – ეს ყველაფერი ხელს უწყობს ალერგიის განვითარებას.

ჰიგიენის ზედმეტად და გადაჭარბებულად დაცვა არ არის საჭირო. ხოლო უნდა შევთანხმდეთ იმაზე, რომ ჯანმრთელობა სიბინძურეში კი არა, ზომიერებაშა.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close