საინტერესო

ხმელთაშუა ზღვის დიეტა, რომელიც სიცოცხლეს ახანგრძლივებს

ამერიკელმა მეცნიერებმა ზრდასრულ ასაკში სიცოცხლის გახანგრძლივების ეფექტური საშუალება დასახელეს. შესაბამისი კვლევა New England Journal of Medicine აქვეყნებს. მის მოკლე ვერსიას კი ჰარვარდის უნივერსიტეტი გვთავაზობს.

სპეციალისტები მიიჩნევენ, რომ ჯანსაღ დიეტაზე თანდათანობით გადასვლა, რომლის დროსაც მიიღება მთელი მარცვლები, ბოსტნეული, ხილი, თხილი და თევზი, წითელი ხორცის და შაქრიანი სასმელების მიღების შემცირების პარალელურად, მნიშვნელოვნად ამცირებს ნაადრევი გარდაცვალების რისკს.

ექსპერტების აზრით, ხმელთაშუა ზღვის დიეტა მეტნაკლებად მისაღები კვების რეჟიმია.

მეცნიერები დაკვირვებას 12 წლის განმავლობაში 74 ათასი ზრდასრული ადამიანის კვებითი მიდრეკილებების ცვლილებებზე აწარმოებდნენ. ანალიზმა აჩვენა, რომ დიეტის ხარისხის გაუმჯობესება დაკავშირებულია შემდეგი 12 წლის განმავლობაში გარდაცვალების რისკის შემცირებასთან. ერთი პორცია წითელი ხორცის თხილით ჩანაცვლებამ ნებისმიერი მიზეზით სიკვდილიანობის რისკი 8-17 პროცენტით შეამცირა.

ხმელთაშუა ზღვის დიეტა ხილის, ბოსტნეულის, თხილის, მსხვილი მარცვლების (ლობიო, ბარდა, ოსპი), არარაფინირებული ზეითუნის ზეთის და თევზის ჭარბ მიღებას გულისხმობს. ეს რაციონი თითქმის მთლიანად გამორიცხავს ცხიმის შემცველ პროდუქტებს – ნაწილობრივ რძის პროდუქტებს და ხორცს. ამ დიეტაში დაშვებულია ღვინის ზომიერად დალევა.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close