სტამბოლში ქალების საპროტესტო აქცია გაიმართა. რამდენიმე ასეულმა ქალმა ძალადობა და ჩაცმულობის შეზღუდვა გააპროტესტა.

მარშის სახელწოდება იყო „ხელს ნუ მიშლით ჩაცმაში.“ აქციის მონაწილეებიდან ბევრს ხელში ჯინსის მოკლე შარვლები ეჭირათ. ასეთი ჩაცმულობა ბოლო პერიოდში თურქეთში მიუღებლად მიიჩნევა.

აქციის მონაწილეების განცხადებით, მამაკაცების ნაწილი სტამბოლში ქალებს ტრადიციული სამოსის ტარებას აიძულებს, წინააღმდეგ შემთხვევაში ისინი ძალადობის მსხვერპლი ხდებიან.

ერთ-ერთი ბოლო ინციდენტი ქალაქში რამდენიმე კვირის წინ მოხდა. მამაკაცმა ავტობუსში ქალს ფიზიკური შეურაცხყოფა იმის გამო მიაყენა, რომ რამადანის დროს შორტი ეცვა.

დატოვეთ კომენტარი

კომენტარები