პოლიტიკა

,,ხდება ის, რის თაობაზეც ლეიბორისტული პარტია ათი წელი იბრძოდა…”

,,ჩვენს ქვეყანასთან მეგობრობა განსაზღვრული იქნება იმის მიხედვით, თუ ვინ გამოიყენებს სანქციებს ივანიშვილის წინააღმდეგ და ვინ შეიკავებს თავს"

ლეიბორისტული პარტიის თავმჯდომარე შალვა ნათელაშვილმა ბრიფინგი ჩაატარა და განაცხადა:

_ ხდება ის, რის თაობაზეც ლეიბორისტული პარტია ათი წელი იბრძოდა. ივანიშვილის სანქცირების საკითხი საერთაშორისო პრობლემად იქცა და დღეს მისთვის ქონების ჩამორთმევას და დაყადაღებას ორმოცმილიონიანი უკრაინა ითხოვს, როგორც ყველა სხვა რუსი ოლიგარქის შემთხვევაში. რეჟიმი გამომპალია. ჩვენ კიდევ ერთხელ მოვუწოდებთ მსოფლიო თანამეგობრობას: მოაქცით სანქცირების ქვეშ საქართველოს დიქტატორი, პუტინის ოლიგარქი, რომელმაც ქართველი ხალხის სისხლი დალია და ამას აგრძელებს. ჩვენს ქვეყანასთან მეგობრობა განსაზღვრული იქნება იმის მიხედვით, თუ ვინ გამოიყენებს სანქციებს ივანიშვილის წინააღმდეგ და ვინ შეიკავებს თავს. ვფიქრობ, თავშეკავებულები უფრო და უფრო ნაკლებად გამოჩნდებიან. იმავდროულად, მსოფლიო ისტორიული პროცესები მიუთითებენ, რომ საჭიროა ძირგამომპალი რეჟიმის დამთავრება საქართველოში. ვითხოვთ პარლამენტის თვითდაშლას და ახალი საპარლამენტო არჩევნების ჩატარებას, საერთაშორისო ორგანიზაციების კონტროლოთ; მოქმედი კრიმინალური მთავრობის გადადგომას და ახალ არჩევნებამდე არაპარტიული ტექნიკური მთავრობის დანიშვნას. სანქციებს უნდა დაექვემდებაროს არამხოლოდ ბიძინა ივანიშვილი, არამედ მისი კორუნპირებული გარემოცვაც, რომელმაც ქართველი ხალხის ქონება საკუთარ საბანკო ანგარიშებად გადააქცია.

 

დატოვეთ კომენტარი

კომენტარები

მსგავსი სიახლეები

Back to top button
Close