საზოგადოება

,,ხალხმა cv-ები შეავსო, რომ 5000 კილომეტრის იქით კომბოსტოს, ჭარხლის და კარტოფილის ნაკვეთებზე იმუშაოს”

,,ხალხის ქვეყნიდან გაყრას, აქ დაასაქმე, თუ მართლა ის ტრაკი გაქვს, რაც ხელისუფალს მოეთხოვება"

შენ თუ სახელმწიფო ხარ, შენ თუ ფიქრობ, რომ ამ ქვეყნის მართვა შეგიძლია, სწორად გამოგდის და მთავრობას უწოდებ საკუთარ თავს მაშინ, რომელი გენიოსის იდეა განახორციელეთ გერმანიაში ხალხის გაყრით და ვითომ პრობლემის გადაჭრის გზის გამონახვით. დაცინვაცაა და დაცინვაც, ხალხმა cv-ები შეავსო, რომ 5000 კილომეტრის იქით კომბოსტოს, ჭარხლის და კარტოფილის ნაკვეთებზე იმუშაოს,
ბიჯო, შე მამაცხონებულო, აქ არ გვყოფნის მიწა მაგ რაღაცეების მოსაყვანად? თუ დავიჯერო უფრო უკეთესი ხარისხის იქნება გენმოდიფიცირებული პლასტმასის კომბოსტო, ვიდრე გორში და ქარელში მოყვანილი???
ადექი და ამ ხალხის სახლიდან გაყრას, აქ დაასაქმე და თუ მართლა ის ტრაკი გაქვს, რაც ხელისუფალს მოეთხოვება, ბაზარი იპოვე ევროპაში და ჩვენი, აქ, ამ მიწაზე მოყვანილი პროდუქტის გატანაში დაგვეხმარე, დარწმუნებული ვარ, ფასიც შედარებით მაღალი ექნება ქართულ ნაწარმს.
ემიგრანტები კი არც აქამდე გვაკლდა და აწი მითუმეტეს, მე თუ მკითხავთ, ზუსტად ემიგრანტების ის წვლილი, რაც ოჯახების მშიერად არ დარჩენით შეიტანეს თავის დროზე, სულ რომ არ დაგვეჭამა ერთმანეთი, ამასთანავე გააუარესეს, გააზარმაცეს და გაატუტუცეს აქ დარჩენილი მოსახლეობის 70-80%.
საბოლოო ჯამში რა ფულიც საზღვარგარეთიდან იგზავნება, ქვეყანაში არ რჩება მაინც, მაგალითად, პირობითად გამოგზავნა ემიგრანტმა სახლის ან რემონტის ფული, დაწყებული მეტალოპლასტმასიდან, სახურავი, ლამინატი, შპალერი, ავეჯი, გამათბობელი, კაფელი და ნათურა რომ ნათურაა, მაგით დამთავრებული ზოგი თურქეთიდან შემოდის, ზოგი ბელორუსიიდან, ზოგი უკრაინიდან და ა.შ.
შესაბამისად ფულიც ისევ უკან ბრუნდება.
ანუ აქ რა გვრჩება: სტატისტიკურად 1 ოჯახიდან 1-2 ხელებგაშვერილი კაცი, დაცლილი სოფელი და თბილისის ბეტონის კედლებში გადაცხოვრებული დანარჩენი მოსახლეობა .
მოკლედ, სანამ აქ არ გამოვნახავთ გზას, შეიქმნას საწარმოო ქარხნები და სათბურები, ელემენტალური პროდუქტი რაც შემოსავალს გააჩენს არა კონკრეტული ბიზნესმენისთვის, არამედ ბიუჯეტისთვის და ქვეყნისთვის, მანამდე ისევ იმ ტ@@@ში ვიქნებით, როგორშიც შევარდნაძის დროს ვიყავით, უბრალოდ შედარებით უკეთესი მანქანებით, ტანსაცმლით, ინტერნეტით, და 24 საათიანი წყლით, რათა ხშირ-ხშირად ჩამოვიბანოთ ის სუნი, რომლითაც ეს ქვეყანა ყარს 30 წელზე მეტია, ასეა ეს საქმე…
p.s. მშვიდობიანი ფრენა მეგობრებო
ფბ მომხმარებელი ლაშა ბიბიჩაძე

დატოვეთ კომენტარი

კომენტარები

მსგავსი სიახლეები

Back to top button
Close