სიღნაღის ამბები

წნორში, უკრაინაში გარდაცვლილი ბავშვების ხსოვნას პატივი მიაგეს

,,ვფიქრობდი, იმდენი ტვირთი ავკიდეთ ამ ვითომ მორწმუნე ქრისტიანებმა ამ წელს იესოს, იქნებ და აღარც უნდა რომ ზიდოს ეს ამხელა ცოდვა მეთქი"

წელს პირველი წელი იყო, აღდგომას ტაძარში რომ ვერ შევხვდი.
ტაძარში რომ ვერ წავედი, იმ ღამეს 10 საათზე დამეძინა.
პირველი ღამე იყო, როცა აღდგომას ვერ შევხვდი. სანამ დამეძინებოდა,
იესოს მოვუბოდიშე, აი ნახე, წელს
აღდგომის დღეებში, იმაზე მეტ ადამიანს დავეხმარე,
ვიდრე სხვა დროს და ამ ერთი ძილით,
არ გაწყრე ჩემს გარდაცვლილებზე მეთქი.
დილას ჩემს გარდაცვლილებს ჩამოვუარე.
რაღაცნაირია საფლავზე ყოფნა,რაც უფრო ბევრ ნაცნობს ხედავ საფლავის ქვებზე,
მით მეტად იაზრებ, რომ უკვე დიდი ხარ. წინაპრის საფლავები რომ მოვიარე,
მერე საღამოს უკრაინაში 213 რუსეთის მიერ მოკლული ბავშვის ხსოვნისთვის,
213 სანთელი ავანთეთ, 213 კვერცხი მივიტანეთ, ყვავილები დავულაგეთ.
სხვადასხვა სოფელში მყოფი უკრაინელები დავპატიჟეთ,
ტირილით შეხვდნენ ერთმანეთს, ტირილით საუბრობდნენ.
ეს დღეები აღდგომაზე რომ ვფიქრობდი,
იმდენი ტვირთი ავკიდეთ ამ ვითომ მორწმუმე ქრისტიანებმა ამ წელს იესოს,
იქნებ და აღარც უნდა რომ ზიდოს ეს ამხელა ცოდვა მეთქი, ვიფიქრე.
რაღაცნაირად ყველაზე მეტად სევდიანი ამბავი იყო უკრაინელმა ბავშვებმა წნორში რომ გაიცნეს ერთმანეთი:
-მე უკრაინელი ვარ, შენ? – ეკითხება ევა ერთ ერთ ბავშვს.
-მეც უკრაინელი ვარ.
-მართლა?
-მართლა?_უკვირს ორივეს.
-მე ომის გამო ვარ აქ, შენ?
-მე ომამდე ჩამოვედი.
ევა უკრაინელია, სიღნაღში ცხოვრობს დედასთან და ძმასთან ერთად, უკარგესი გოგოა,
გაგაცნობთ.
ფოტოები სულ ესაა რაც ჩემი ტელეთი გადავიღე,
თუმცა საკმარისი იმის გადმოსაცემად, რაც მინდა რომ გითხრათ ♡
აჰო, ჩვენმა თინეიჯერებმა გაიცნეს უკრაინელი თინეიჯერები და ხვალიდან
ჩვენს ბელგიელ და იტალიელ მოხალისეებთან ერთად დაგეგმილ კურსებს, ისინიც შემოუერთდებიან – წერს ფბ საკუთარ გვერდზე წნორში, ,,ცოდნის კაფეს” ერთ-ერთი დამფუძნებელი და ხელმძღვანელი, ქეთი მოლაშვილი.
.

დატოვეთ კომენტარი

კომენტარები

მსგავსი სიახლეები

Back to top button
Close