წმინდა მაკარი: წადი სასაფლაოზე და ლანძღე მკვდრები
ერთხელ მონაზონმა ჰკითხა წმიდა მაკარის, რა გზით უნდა გადავრჩეო. მაკარიმ უპასუხა:
– წადი სასაფლაოზე და ლანძღე მკვდრები.
მონაზონი უსიტყვოდ დაემორჩილა, წავიდა და საფლავებს ლანძღვა და ქვების სროლა არ დააკლო.
– მითხარი, არაფერი უთქვამთ შენთვის მკვდრებს? – შეეკითხა მონაზონს მაკარი.
– არა, მამაო – გაოცებით უპასუხა მონაზონმა.
– ახლა წადი და ადიდე ისინი.
მონაზონი წავიდა და მრავალი კეთილი სიტყვით შეამკო მკვდრები, ადიდა ისინი როგორც მართალნი და წმინდა ადამიანები, შემდეგომ კი კვლავ დაბრუნდა მაკართან.
– რა გითხრეს მკვდრებმა? – კვლავ ჰკითხა მაკრამა მონაზონს.
– კვლავ არაფერი უთქვამთ! – უპასუხა მონაზონმა.
– ხომ ხედავ, მათ არაფერი უთქვამთ შენთვის არც მაშინ, როდესაც შეურაცხყოფდი და არც მაშინ, როცა ქება-დიდებას შეასხამდი. გახსოვდეს, თუ გადარჩენა გინდა, მიემსგავსე მკვდარს: ნუ განრისხდები, როდესაც შეურაცხგყოფენ და ნურც ამაღლდები, თუ ვინმემ შეგაქო. იყავი როგორც მკვდარი და გადარჩები.
