საზოგადოება

“წითური გენერალი ჯერ ისევ ცოცხალია”

“ისლამური სახელმწიფოს” ერთ-ერთი მეთაურის თარხან ბათირაშვილის, იგივე ომარ ალ-შიშანის  ლიკვიდაციის შესახებ ცნობას ამერიკული მედია თავდაცვის დეპარტამენტზე დაყრდნობით ავრცელებს. მებრძოლის გარდაცვალებას აშშ-ის თავდაცვის უწყება საბოლოოდ ჯერ ვერ ადასტურებს.

როგორც გამოცემა Usatoday  იუწყება, კოალიციის შეტევა სწორედ ბათირაშვილის ლიკვიდაციისკენ იყო მიმართული: 

“თარხან თეიმურაზის ძე ბათირაშვილი, აგრეთვე, ცნობილი, როგორც “ომარ ჩეჩენი”, საჰაერო იერიშის შედეგად იქნა მოკლული შადადის მახლობლად, სადაც იგი ცდილობდა თავი მოეყარა ბოევიკებისთვის აშშ-ს მიერ მხარდაჭერილი ოპოზიციის ძალების წინააღმდეგ საბრძოლველად.  წარმოშობით ქართველი ბათირაშვილი სირიაში მცხოვრები ბოევიკი იყო, რომელსაც არაერთი სამხედრო თანამდებობა ეკავა “ერაყისა და ლევანტის ისლამურ სახელმწიფოში”, (ISIL ), მათ შორის – ომის მინისტრის.  აღნიშნული შეტევის დროს, ბათირაშვილი გაგზავნილი იქნა ალ შადადში, ISIL –ის მებრძოლების დასახმარებლად, მას შემდეგ, რაც მათ მთელი რიგი სტრატეგიული მარცხი განიცადეს ადგილობრივ ძალებთან, რომელთაც მხარს აშშ უჭერს.  პენტაგონის  განცხადებაში ბათირაშვილი აღწერილია, როგორც “ბრძოლაში გამოცდილი” ლიდერი, რომლის გარდაცვალებაც სერიოზულ ზიანს მიაყენებს “ისლამურ სახელმწიფოს” უცხოელი მებრძოლების გადაბირების საქმეში.”-წერს გამოცემა.

ინფორმაციას უარყოფს „ახალი თაობა – დემოკრატიული საქართველოს“ ხელმძღვანელი ნატალია ხოხიაშვილი. 

“როგორც პანკისიდან მითხრეს, ინფორმაცია ბათირიშვილის დაღუპვის შესახებ სიცრუეა”-გნაცხადა ხოხიაშვილმა “ფოსტალიონთან” საუბრისას.

-თქვენის აზრით, რატომ ავრცელებენ ბათირაშვილის დაღუპვის შესახებ ინფორმაციას ასე ხშირად?

-როგორც ცნობილია ამერიკის სახელმწიფო დეპარტამენტს ალ შიშანი ტერორისტების სიაში ჰყავთ შეყვანილი და მის შესახებ ინფორმაციის სანაცვლოდ 5 მილიონი დოლარი აქვთ დაწესებულიუკვე 1 წელი გავიდა და დღემდე ვერ მოახერხეს მისი ლიკვიდაცია. ეს ბუნებრივია ანგრევს მითს ამერიკის უძლეველობაზე და ამიტომ ხშირ ხშირად ავრცელებენ ასეთ ცნობას , თუმცა ატარებენ შესაბამის საბრძოლო ღონისძიებებს და არა არის გამორიცხული პენტაგონსაც ცრუ ინფორმაციას აწვდიდნენ და შემდეგ ასეთ უხერხულ მდგომარეობაში ვარდებიან.

-ეს მგონი რიგით მე-6 გარდაცვალების ცნობაა 1 წლის განმავლობაში.

-კი რაც ჩვენამდე მოვიდა, ასეა დაახლოებით, და წითური გენერალი ჯერ ისევ ცოცხალია…

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close