ძიძა ბავშვის მოჭრილი თავით მოსკოვის ქუჩებში სეირნობდა
მოსკოვში, ბავშვის სასტიკი მკვლელობის ფაქტზე, რომელშიც ბავშვის ძიძაა ეჭვმიტანილი, სისხლის სამართლის საქმე აღიძრა. როგორც ТАСС იუწყება, საგამოძიებო კომიტეტში საქმე “მცირეწლოვანის მკვლელობის” მუხლით აღიძრა.
დღეს დილით, “ნაროდნოე ოპოლჩენიეს” ქუჩაზე მდებარე მრავალსართულიან სახლში ხანძრის ჩაქრობის შემდეგ ნაპოვნია 4 წლის ბავშვის თავმოჭრილი სხეული. წინასწარი მონაცემებით, ბავშვი ძიძამ- 1977 წელს დაბადებულმა უზბეკეთის მოქალაქემ გიულჩეხრა ბობოკულოვამ მოკლა. მისი მსხვერპლი კი 4 წლის გოგონაა.
თვითმხილველი: დადიოდა ქალი მეტროსთან, ხელში მოკვეთილი თავი ეჭირა , ყვიროდა, რომ ყველას ააფეთქებდა. როცა მივხვდი, რომ ხელში თავი ჰქონდა, მაშინვე მოვშორდი იქაურობას. ”
სამართალდამცველებს მეტროს სადგურ “ოკტიაბრსკოე პოლე”-ს გამოსასვლელის გადაკეტვა მოუხდათ, რათა ძიძა დაეკავებინათ. მას თან ბავშვის მოკვეთილი თავი ჰქონდა.
საგამოძიებო კომიტეტის ცნობიდან: ძიძა დაელოდა, სანამ მშობლები უფროს ბავშვთან ერთად სახლიდან გავიდოდნენ და დაუდგენელი მიზეზით ჩაიდინა მკვლელობა, ბინაში ცეცხლი გააჩინა და მიიმალა.
ძიძა დაკავებულია. მასთან გამომძიებლები მუშაობენ, რათა დაადგინონ დანაშაულის მოტივი.
წყარო: postalioni.com
