საინტერესო

ცუდი უფროსის 15 ნიშანი

სამსახურში თავი ძალიან ცუდად გიგრძვნიათ? მიზეზი შეიძლება თქვენი უფროსი იყოს.

დასაქმებულების 75% თვლის, რომ მუშაობის დროს სტრესის გამომწვევი ყველაზე მნიშვნელოვანი ფაქტორი მათი უფროსია. სამწუხაროდ, ცუდი მენეჯერის ქცევები ხშირად არ შეესაბამება ზოგად მორალს და თანამშრომლების პროდუქტიულობაზე უარყოფითად მოქმედებს.

1. თქვენი უფროსი თვითშეფასებას გიფუჭებთ – თქვენი უფროსი თქვენს შესაძლებლობებს კითხვის ნიშნის ქვეშ აყენებს? სამწუხაროდ მარტო არ ხართ. დასაქმებულების 60% მიიჩნევს, რომ მათი მენეჯერი მათ თვითშეფასებაზე უარყოფითად მოქმედებს.

2. თქვენმა უფროსმა საქმე კარგად არ იცის – კვლევების მიხედვით დასაქმებულების 34% ფიქრობს, რომ მათმა უფროსმა კარგად არ იცის ის საქმე, რასაც აკეთებს. უარესიც, დასაქმებულების ნახევარი მიიჩნევს, რომ მენეჯერის მოვალეობებს თვითონ ბევრად უკეთ შეასრულებდნენ.

3. თქვენი უფროსი მოტივაციას არ გიქმნით – მენეჯერის პირდაპირი მოვალეობაა იყოს თქვენი #1 ადვოკატი და მოტივატორი, თუმცა დასაქმებულების 39% თვლის, რომ უფროსს მის მოტივაციაზე არასდროს ან ძალიან იშვიათად უმოქმედია.

4. თქვენი უფროსი არ გისმენთ – სამსახურში გამჭვირვალე ურთიერთობები ძალიან მნიშვნელოვანია. დასაქმებულების 1/3 კი ამბობს, რომ მათ სამსახურებრივ პრობლემებს უფროსი თითქმის არასდროს ისმენს.

5. თქვენი უფროსი ყურადღებას არ გაქცევთ – კვლევების შესაბამისად, იმ დასაქმებულების 57%, რომლებიც უფროსისგან უყურადღებობას გრძნობენ, მუშაობისას ბოლომდე არ იხარჯებიან.

6. თქვენს უფროსს “ფავორიტი თანამშრომელი” ყავს – გქონიათ შეგრძნება, რომ თქვენი ერთ-ერთი კოლეგა, რომელიც თქვენზე უკეთესი უნარ-ჩვევებით არ გამოირჩევა, უფროსისგან ყოველთვის თქვენზე მეტ ყურადღებას და დაფასებას იღებს? კვლევების შესაბამისად მენეჯერების 34% ამ კუთხით დამნაშავეა.

7. თქვენი უფროსის გეშინიათ – კვლევები გვიჩვენებს, რომ დასაქმებულებს ეშინიათ უფროსებთან რთული საუბრების (20.4%) და შვებულებიდან დაბრუნების (16.6%).

8. უფროსი აზრს არ გეკითხებათ – ორმხრივი კომუნიკაცია სამუშაო გარემოს ერთ-ერთი აუცილებელი ფაქტორია. თუმცა დასაქმებულების 49% ამბობს, რომ გადაწყვეტილების მიღებისას, უფროსი არასდროს ან ძალიან იშვიათად ეკითხება მათ აზრს.

9. თქვენს უფროსს თანამშრომლების შთაგონება არ ახასიათებს – კვლევების შესაბამისად, ცუდი უფროსის 5 მთავარი მახასიათებლებიდან ეს ერთ-ერთია.

10. თქვენს უფროსს მომავლის ცხადი ხედვა არ აქვს – თუ ლიდერს მომავლის ხედვა არ აქვს, შეუძლებელია დაქვემდებარებულებმა შეძლონ კარგად მუშაობა.

11. თქვენი უფროსი დამალვისკენ გიბიძგებთ – ცდილობთ რომ უფროსთან მოულოდნელი შეხვედრა მაქსიმალურად აირიდოთ? დასაქმებულების 27% ამბობს, რომ უფროსს გამიზნულად ემალება.

12. თქვენი უფროსი პატიოსანი არ არის – თქვენი უფროსი პატიოსანი არ არის და არც პასუხისმგებლობის გრძნობით გამოირჩევა? ასე დასაქმებულების 20% ფიქრობს.

13. თქვენი უფროსი უსაქმურია – რატომ უნდა იმუშაოთ, როდესაც მენეჯერი არ მუშაობს? დასაქმებულების 42% ფიქრობს, რომ მათი უფროსი ბევრს არაფერს აკეთებს.

14. თქვენი უფროსი სიმშვიდის შენარჩუნებას ვერ ახერხებს – სტრესულ სიტუაციებში მენეჯერების 47% ვერ ინარჩუნებს სიმშვიდეს. პრობლემის დროს კი უფროსი ის ადამიანი უნდა იყოს, რომელიც მშვიდად შეძლებს თქვენს მოსმენას.

15. თქვენი უფროსი უკეთეს უფროსს განატრებინებთ – ყოველ დღე, თუ დროს ახალ მენეჯერზე ოცნებაში ატარებთ, თქვენ მარტო არ ხართ. დასაქმებულების 65% მზადაა ხელფასის მატებასა და უკეთეს უფროსს შორის უპირატესობა ამ უკანასკნელს მიანიჭოს.

თქვენი უფროსი თქვენს შესაძლებლობებს კითხვის ნიშნის ქვეშ აყენებს? სამწუხაროდ მარტო არ ხართ. დასაქმებულების 60% მიიჩნევს, რომ მათი მენეჯერი მათ თვითშეფასებაზე უარყოფითად მოქმედებს.

წყარო: linkedin.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close