პოლიტიკა

,,ვინ არის საერთოდ ფოტიგა, რატომ ბედავენ ამდენს?”

,,ფოტიგამ, კუბილიუსმა, მიშელმა და ყველა ე. წ. უცხოელმა მეგობარმა ეს ლანძღვა დაიმსახურეს მას შემდეგ, რაც ოპოზიცია, ამ სიტყვის პირდაპირი გაგებით, შეათრიეს პარლამენტში და ამით გადაარჩინეს ოლიგარქის დასამხობად განწირული რეჟიმი"

,,ამ შემთხვევაში პრემიერად წოდებული ეს ბატონი სრულიად სწორია. ფოტიგამ, კუბილიუსმა, მიშელმა და ყველა ე. წ უცხოელმა მეგობარმა ეს დაიმსახურეს მას შემდეგ რაც ოპოზიცია ამ სიტყვის პირდაპირი გაგებით შეათრიეს პარლამენტში და ამით გადაარჩინეს ოლიგარქის დასამხობად განწირული რეჟიმი. როგორც სჩანს მათ კუს და მორიელის იგავი არ წაუკითხავთ”_ წერს ფეისბუქის საკუთარ გვერდზე ლეიბორისტული პარტიის თავმჯდომარე შალვა ნათელაშვილი.

,,არც ფოტიგა, არც კუბილიუსი და არც არავინ, ჩემთვის და ჩვენი ქვეყნისთვის არაფერს არ წარმოადგენენ. ევროპარლამენტში არის 700 დეპუტატი და ჩვენ ვერც ფოტიგას ჭკუაზე ვივლით და ვერც კუბილიუსის. ყველამ მიხედოს თავის ქვეყანას.

მე ერთი მინდა ვუთხრა, ამ ქვეყანაში კანონის აღსრულებას და მართლმსაჯულების აღსრულებას წინ ვერავინ ვერ აღუდგება. ეს გაითვალისწინოს ყველამ. მე მინდა ასევე შევახსენო, თქვენს მიერ ჩამოთვლილ რამდენიმე ევროპარლამენტარს, რომლებიც, რა თქმა უნდა, ყველამ კარგად ვიცით, რომ პირადი ნაცნობობა აქვთ სააკაშვილთან, პირადი მეგობრობა. მათ შორის ერთ-ერთი მთავარი, ვინც აქტიურობს, ბატონი გლუქსმანი იყო ეკა ზღულაძის მეუღლე – ვანო მერაბიშვილის მოადგილის მეუღლე. სააკაშვილის მრჩეველი იყო და ჩართული იყო მთელს ამ დიქტატორული რეჟიმის მშენებლობაში.

დღეს, ეს ადამიანი, მაშინ მთელი ეს პერიოდი როცა ქვეყანაში ტერორი მძვინვარებდა, ძალადობა, უბედურება, წამება ციხეებში , ადამიანების გაუპატიურება, ხოცვა, ეს ადამიანი დღეს ჩვენ ჭკუას გვასწავლის. რა კომენტარს მთხოვთ, ვერ გავიგე. ვინ არის საერთოდ ფოტიგა, რატომ ბედავენ ამდენს”-

ამის შესახებ საქართველოს პრემიერ-მინისტრმა ირაკლი ღარიბაშვილმა რუსთავში ჟურნალისტებთან საუბრისას განაცხადა, რითაც გამოეხმაურა ევროპარლამენტარების მიერ საქართველოს მესამე პრეზიდენტ მიხეილ სააკაშვილთან დაკავშირებით გამოქვეყნებულ ერთობლივ ღია წერილს…

დატოვეთ კომენტარი

კომენტარები

მსგავსი სიახლეები

Back to top button
Close