საზოგადოება

ჩინური კომპანიები საქართველოში ნავთობის მოპოვებით დაინტერესდნენ

ჩინური კომპანიები საქართველოში ნავთობის მოპოვებით დაინტერესდნენ.

პოტენციურმა ინვესტორებმა ნავთობისა და გაზის სახელმწიფო სააგენტოს მიერ გამოცხადებულ ტენდერში მონაწილეობა მიიღეს.

დამატებითი დოკუმენტაციის, მათ შორის საბანკო გარანტიების წარდგენის შემთხვევაში, მათთან 25-წლიანი შეთანხმება გაფორმდება.

ნავთობისა და გაზის სახელმწიფოს სააგენტოს ხელმძღვანელი გოგა ტატიშვილი საზოგადოებრივთან საუბარში ამბობს, რომ ერთ-ერთი კომპანია, China Newstar Energy, ამ სფეროში გამოცდილი მოთამაშეა.

ჩინური კომპანიები მუშაობას სამეგრელოსა და იმერეთში მდებარე სალიცენზიო ბლოკებზე გეგმავენ. კერძოდ, V სალიცენზიო ბლოკზე განაცხადები შეტანილი აქვს კონსორციუმს შემადგენლობით: „ვესტ გალფ პეტროლიუმის საინჟინრო კომპანია“ და China Newstar Energy, VIA სალიცენზიო ბლოკზე კონსორციუმი შემადგენლობით: „ჯორჯია ქოალიშინ ენერჯი ლიმიტედი“ და China Newstar Energy; VIB სალიცენზიო ბლოკზე კონსორციუმი შემადგენლობით „ჯორჯია ქოალიშინ ენერჯი ლიმიტედი“ და China Newstar Energy.

ამის გარდა, იმერეთში, VIC სალიცენზიო ბლოკზე ნახშირის მეთანის მოპოვებით ქართული კომპანია”სი-ბი-ემ ჯორჯია” დაინტერესდა, XIF სალიცენზიო ბლოკზე ნავთობის ძებნა-ძიებით და მოპოვებით -„Georgia Oil and Gas“ და „Georgia New Ventures“.

 

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close