საზოგადოება

,,ჩინელი დამსაქმებელი არა მარტო იქ დასაქმებულებს სცემს, არამედ სოფლის მცხოვრებლებს”

„საქართველოს რკინიგზა“ არის ჩინური კომპანიის დამკვეთი, ის არის კონტრაქტორი და ბუნებრივია, პასუხისმგებლობა „საქართველოს რკინიგზას“ ეკისრება, – ამის შესახებ დღეს ჟურნალისტებს „რკინიგზელთა ახალი პროფკავშირის“ პრეზიდენტმა ვიტალი გიორგაძემ განუცხადა.
მისივე თქმით, სოფელ ზვარეში რკინიგზის გვირაბის მშენებლობაზე მომხდარის გამო „საქართველოს რკინიგზა“ პასუხისმგებლობას ვერ გაექცევა.

ვიტალი გიორგაძის თქმით, ერთი თვე არ არის რაც ზვარეში მუშების გაფიცვა დასრულდა. დასაქმებულები მაშინ მძიმე შრომით პირობებზე საუბრობდნენ. კერძოდ, დამსაქმებლის მხრიდან ცუდი მოპყრობის ფაქტებზე.

„ჩვენ ამის შესახებ შესაბამის სტრუქტურებს ვაცნობეთ. კერძოდ, შსს-ს, პროკურატურას, ჯანდაცვის სამინისტროს. დამსაქმებლის მხრიდან დასაქმებულის ცემის ფაქტები იქ ადრეც იყო. დღეს ამ ყველაფერმა ყოველგვარ ზღვარს გადააჭარბა. ჩინელი დამსაქმებელი არა მარტო იქ დასაქმებულებს სცემს, არამედ სოფლის მცხოვრებლებს. გუშინ მომხდარი ცემის ფაქტის მიზეზი სწორედ ეს იყო“, – განაცხადა ვიტალი გიორგაძემ

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close