საზოგადოება

,,ჩვენ პირველი ხელისუფლება ვართ, რომელმაც ძალადობისა და ომის გარეშე ვაცხოვრეთ ქვეყანა,,

საპარლამენტო უმრავლესობის წევრმა დიმიტრი ხუნდაძემ დღეს, ერთ-ერთი მედია-საშუალებით კომენტარი გააკეთა  ნაცმოძრაობის მხრიდან მოსახლეობის მიმართ გაკეთებულ მოწოდებაზე, რომ არ დაუშვან „ქართული ოცნების“ საკონსტიტუციო უმრავლესობით შესვლა პარლამენტში, რადგან ეს საფრთხეს წარმოადგენს ჩვენი ქვეყნისთვის.

-„ ნაციონალური მოძრაობა დღეს უკვე მილევადი პარტიაა. წინა პარლამენტში ისინი 60-ზე მეტნი იყვნენ, დღეს 30-იც არ არიან. თუმცა, ეს შედეგიც გამიკვირდა. რაც შეეხება მათი მხრიდან საკონსტიტუციო უმრავლესობის შესახებ ატეხილ აჟიოტაჟს, სასაცილოა. საკონსტიტუციო უმრავლესობა საშიშია იმ ხელისუფლებისთვის, ვინც ძალაუფლებას ბოროტად იყენებს. ესენი იყვნენ სწორედ ნაციონალები, ვისი მმართველობაც ქართველმა ხალხმა საკუთარ თავზე იწვნია. ჩვენ 4 წელია ხელისუფლებაში ვართ და ეს ტესტი უკვე ჩავაბარეთ. შეიძლება რაღაც შეგვეშალა, მაგრამ ვერავინ იტყვის იმას, რომ ძალაუფლება ბოროტად გამოვიყენეთ. პირიქით, ჩვენ პირველი ხელისუფლება ვართ, ვინ მართლა ხალხზე და ქვეყანაზე ვზრუნავთ, რომელმაც ძალადობისა და ომის გარეშე ვაცხოვრეთ ქვეყანა.

„ქართული ოცნებისთვის“ საკონსტიტუციო უმრავლესობის მოპოვება პარლამენტში ქვეყნისთვის სიმშვიდისა და სტაბილურობის გარანტი იქნება. ამას ხვდება ხალხი და საკუთარ არჩევანს 30 ოქტომბერს კიდევ ერთხელ დააფიქსირებენ“,-განაცხადა დიმიტრი ხუნდაძემ.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close