საზოგადოება

შტორმმა ქობულეთში სამაშველო შენობა დააზიანა, დატბორილია ბათუმის ახალი ბულვარიც

ამ დროისათვის აჭარაში, შავი ზღვის სანაპიროზე, შტორმის სიმძლავრე 6 ბალს აღემატება. “პირველს” აჭარის სამაშველო სამსახურში განუცხადეს, რომ შტორმმა ქობულეთში სამაშველო შენობა დააზიანა.

სამაშველო სამსახურის უფროსის მოადგილის, მამუკა თურმანიძის თქმით, დატბორილია ბათუმის ახალი ბულვარის ტერიტორიაც.
“აჭარაში ღელვის პიკს ღამის 02:00-დან 03:00 საათამდე ველოდებით. სანაპირო ზოლზე სამაშველო ჯგუფები არიან მობილიზებულები. საშტორმო უბნებია ქობულეთის და სარფის მონაკვეთები. ყველა სამსახური მობილიზებულია და საგანგებო რეჟიმში ვიმუშავებთ, სანამ არ მოიხსნება საშტორმო მდგომარეობა “, – აღნიშნა თურმანიძემ.
მისი თქმით, აჭარის ჰიდროგრაფიის სამსახურის ინფორმაციით, ხვალ შუადღეზე ზღვის ღელვა დაიკლებს

წყარო pia.ge

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close