,,ნოდარ მელაძის შაბათის”  ერთ-ერთ სიუჯეტს, რომელშიც საუბარი იყო ბიძინა ივანიშვილის დეიდაშვილის, უჩა მამაცაშვილის რუსეთში ფრენებსა და კავშირებზე, უჩა მამაცაშვილი მოგვიანებით გამოეხმაურა.

„ჩემზე არაერთი ჭორი და უსაფუძვლო ბრალდება მომისმენია და, როგორც არასაჯარო პირს, მათზე რეაქცია, ძირითადად, არ მაქვს. თუმცა, „ტვ პირველი“ მაინც განსაკუთრებული შემთხვევაა – მათ საკუთარ თავს აჯობეს და რუსეთთან საიდუმლო ელჩობაში „მამხილეს“. მესმის, რომ საარჩევნო კამპანიაა და ტელევიზია ყველა ხერხით ცდილობს მეპატრონეებისა და დამფინანსებლების გულის მოგებას, თუმცა სიმართლესთან ოდნავ ახლოს მაინც ხომ უნდა იყოს ინფორმაცია, რომ დაგიჯერონ?

ჩემთვის მძიმეა იმის ყურება, თუ როგორ წვალობენ და ბნელ ოთახში ეძებენ კატას, რომელიც იქ, რასაკვირველია, არ არის. რაც შეეხება სიუჟეტის შინაარსს, მის განხილვას, უბრალოდ, აზრი არ აქვს – როცა უკლებლივ ყველა სიტყვა და აქცენტი სიცრუეა, ფაქტობრივ გარემოებებზე საუბარი ზედმეტი და შეურაცხმყოფელია.

ღიმილის მომგვრელია იმის აღმოჩენა, როგორ გულმოდგინედ ცდილობენ „ტვ პირველის“ ბიზნესმენი და პოლიტიკოსი მესვეურები ჩემს ირგვლივ სკანდალის შექმნას. ამ ადამიანებს ვურჩევ ბრაზილიელი პროდიუსერების დაქირავებას. საპნის ოპერები მათი მოგონილია და ისინი უკეთ გაართმევენ თავს გამოგონილი ამბების სიმართლედ გასაღებას.

ჩემი მხრიდან კი მზად ვარ, ბრაზილიელი სცენარისტების მგზავრობისა და ანაზღაურების ხარჯები საკუთარ თავზე ავიღო“.- განაცხადა უჩა მამაცაშვილმა ტელეკომპანია პოსტ ტვ-სთან.

ოლიგარის დეიდაშვილის კომენტარს კი ნოდარ მელაძის ფეისბუქკომენტარი მოჰყვა.

,,ერთ კვირიანი ფიქრის შემდეგ უჩას პასუხი დააწერინეს, თუმცა ვერ უარყო, რომ 20 ივნისის სისხლიანი დარბევის შემდეგ, 4 დღეში მოსკოვში გაფრინდა. თბილისი მოსკოვი 117 ფრენა ჯამში. რეისის ნომრები, ჩასხდომის ბარათები და ბილეთის დაჯავშნის დროები, უფრო მეტიც გვაქვს.

ახლა დიდი შიდა გამოძიებაა ვინ მოგვცა ფრენების და პასპორტების დოსიე. გაგრძელება იქნება

დატოვეთ კომენტარი

კომენტარები