საზოგადოება

შემომხედა და ამოილუღლუღა, გადამარჩინეთ!- რას წერს ვერაზე მომხდარ ტრაგედიაზე სასწრაფოს ექიმი

სასწრაფო დახმარების ექიმი თამუნა საგარეიშვილი, რომელიც ხორავას ქუჩაზე მომხდარი შემთხვევისას გამოძახებაზე მივიდა, სოციალურ ქსელში ემოციურ პოსტს აქვეყნებს.

„გუშინ, ჩემს კუთვნილ მორიგეობაზე, შემოვიდა მისამართი:
– ხორავას ქუჩაზე ცივი იარაღით დაჭრილი მოზარდები არიან, პანიკური ზარია, იჩქარეთ!
ჩვენ, რა თქმა უნდა, არ დავყოვნდით, მისამართის მიღებიდან 5 წთ-ში აღნიშნულ მისამართზე მივედით.
ზღვა ხალხი დაგვხვდა ადგილზე, მივხვდი, რომ საქმე კარგად არ იყო. შევედით ეზოში და აი ისიც, დათო სარალიძე, თავისივე სისხლის გუბეში ჩაწოლილი, კანი ცივი, ფერმკრთალი, ღრმად დაბინდული ცნობიერებით. მისი ჭრილობები იყო სიცოცხლესთან შეუთავსებელი. ვხვდებოდი, რომ მისი გადარჩენა რთული, თითქმის შეუძლებელი იქნებოდა…
მან შემომხედა და ერთი ამოილუღლუღა: “გადამარჩინეთ!”
ელვისებური სისწრაფით გავუწიეთ პირველადი სამედიცინო დახმარება. ღმერთს ვევედრებოდი, გული არ გაეჩერებინა მისთვის და დედისთვის შვილი არ წაერთმია. დავითს კი ვთხოვდით, თვალები არ დაეხუჭა და ებრძოლა სიცოცხლისათვის. ჩაძახილზე, თუ როგორ ესმოდა ჩვენი, ის თითების ჟესტით გვანიშნებდა, რომ მას ჩვენი ესმოდა. სტაციონარის ეზოში შესვლისას, თვალები დახუჭა, სუნთქვას აჩერებდა. სასწრაფოდ შევიყვანეთ კლინიკაში და იქვე გული გააჩერა. მთელი კლინიკის ექიმები მობილიზებულები იყვნენ, ჩაუტარდა გულ-ფილტვის რეანიმაცია და გულის რითმი მალევე აღდგა. მაშინვე საოპერაციო ბლოკში შეიყვანეს.
ის სიცოცხლისათვის 23 სთ-ი იბრძოდა. მიუხედავად ყველაფრისა, მისი გადარჩენა, სამწუხაროდ, ვერ მოხერხდა.
არასოდეს დამავიწყდება ეს დღე, როდესაც მისი წყლიანი, უმწეო თვალები დახმარებას გვთხოვდა.
ლევან დადუნაშვილი მე არ მინახავს, მას სხვა ბრიგადა ემსახურებოდა, ისეთივე უმწეო, ისეთივე სიცოცხლესთან შეუთავსებელი ჭრილობებით იყო, როგორც დათო, ის კლინიკაში მისვლამდე, სასწრაფოს მანქანაში გარდაიცვალა

სრული ვერსიის ნახვა plus.kvira.ge

დატოვეთ კომენტარი

კომენტარები

მსგავსი სიახლეები

10 Comments

  1. 209807 454088The excellent intreguing articles maintain me coming back here time and time once more. thank you so considerably. 299249

  2. I like what you guys are up too. Such intelligent work and reporting! Keep up the excellent works guys I’ve incorporated you guys to my blogroll. I think it will improve the value of my web site

  3. 144726 328557hello i discovered your post and thought it was really informational likewise i suggest this site about repairing lap tops Click Here 103523

Leave a Reply

Your email address will not be published.

Back to top button
Close