საზოგადოება

„ყველას, ყველას, ყველას _80 წლის ხელოვან ლია ბარნაბიშვილს ბინიდან ასახლებენ!“

ჟურნალისტმა ნინო მიქიაშვილმა რამდენიმე დღის წინ გამოაქვეყნა ფეისბუქსტატუსი, რომლითაც ის მიმართავდა საზოგადოებას, გვერდში დასდგომოდნენ 80 წლის ხელოვანს, ლია ბარნაბიშვილს. მიქიაშვილის თქმით, მევახშე, ოჯახთან ერთად, სახლიდან მის გამოძევებას ცდილობს.

„ყველას, ყველას, ყველას – მთავრობის წევრებს, პარლამენტარებს ჟურნალისტებს, ვისაც შეგიძლიათ მისი დახმარება! ამ და სხვა შესანიშნავი ნამუშევრების ავტორი, 80 წლის ლია ბარნაბიშვილი ოჯახთან ერთად მევახშემ სახლიდან გამოაძევა. ბუმბულით დახატულ უნიკალურ ნამუშევრებსსაც გამოყრიან ხვალ 14 საათზე, თუ რაიმე სასიკეთო არ მოხდება.

„ობიექტივის” ძალისხმევით გამოსახლება რამდენჯერმე შეჩერდა. ახლა ამაზე აღარ მოვყვები როგორი მაგარი გოგოები და ბიჭები ვართ. ახლა ლიას ქმედითი დახმარება სჭირდება. გთხოვთ, ხელისუფლების ლანძღვას ნუ დაიწყებთ, ამ კონკრეტულ შემთხვევაში ხელისუფლება სალანძღავი არ არის. რამდენიმე წუთის წინ ლიას ვესაუბრე, მთხოვა, ხვალ, 14 საათზე ეგებ ჩემს სახლთან მოხვიდეთ, ეგებ რაიმე მოიფიქროთ, ეგებ მიშველოთო.

იქნებ ვინმემ მართლა მოიფიქროთ რაიმე ჭკვიანური. ლია ამბობს, რომ სასამართლოს გადაწყვეტილებით 36 ათასი დოლარი აქვს მევახშისთვის მისაცემი – ეს თანხა რის ვაი-ვაგლახით მოვაგროვეთ და ახლა მევახშე გვეუბნება ხვალ, ანუ 13 მარტს 40 ათას დოლარს თუ არ მომცემთ, სახლიდან ყველაფერს გამოგიყრითო. ვწერ ლია ბარნაბიშვილის მობილს და მისი ბინის მისამართს: 557416650. თბილისი, სანტქპეტერბურგის 10, მეოთხე სართული (მარჯანიშვილის მოდენათან ძალიან ახლოსაა)“, _ წერდა მიქიაშვილი.

დღეს, ჟურნალისტმა, ლია ბარნაბიშვილის გამოსახლებასთან დაკავშირებით ახალი ინფორმაცია გაავრცელა:

„ლია ბარნაბიშვილის საბოლოო გამოსახლება რამდენიმე დღით გადაიდო. ეს ამბავი უშუალოდ მისგან, ტელეფონით შევიტყვე. მისი სახლის კარები ისევ დალუქულია და შიგნით მხოლოდ იმ შემთხვევაში შეუშვებენ, მევახშეს ანგარიშს თუ გაუსწორებს. დალუქულ სახლშია ბულმბულით შესრულებული ლიას უნიკალური ნამუშევრები – პეიზაჟები, პორტრეტები, ხატები. შეგახსენებთ, რომ ლიას განმარტებით, მევახშე იმაზე მეტს ითხოვს, ვიდრე ეს სასამართლომ განსაზღვრა.

ლია ბარნაბიშვილი მადლობას გიხდით ყველას, თითოეული თბილი სიტყვისთვის, თანადგომისთვის. მითხრა, რომ ახლობელმა ტელეფონიდან წაუკითხა ჩემს გვერდზე მასთან მიმართებაში დაწერილი თბილი სიტყვები. მან მითხრა ისიც, რომ გამოსახლების შესახებ ინფორმაცია წაუკითხავს საბურთალოს გამგებელს ბექა მიქაუტაძეს, მისთვის დაურეკია და უკითხავს, რით დაგეხმაროთ, რა შემიძლია გავაკეთოო. შეთანხმებულან შეხვედრაზე და ალბათ, უკვე შეხვდებოდნენ. მანამდე ლიას ტელეფონით უსაუბრია საკრებულოს წევრ რიმა ბერაძესთან. საბოლოო გამოსახლება დანიშნული იყო 13 მარტს, 14 საათზე. ზუსტად ამ დროს ლია ბარნაბიშვილთან მისულან გადამღები ჯგუფები „იმედი“-დან, „მაესტრო“-დან, რამაც ძალიან გამახარა“.

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close