საზოგადოება

,,ყველაზე კარგად ჩვენს ოჯახს ესმის, რას გრძნობთ ახლა”- ვერაზე მოკლული ნიკო კვარაცხელიას ოჯახის წერილი

,,თქვენი შვილები ყოველთვიურად მიიღებენ ნიკოს სტიპენდიას, რომლითაც იმედი გვაქვს, შეძლებისდაგვარად უზრუნველვყოფთ მათთვის უკეთესი განათლების მიცემის შესაძლებლობას"

ვერაზე მოკლული ნიკო კვარაცხელიას ოჯახი ბათუმში, კორპუსის ჩამონგრევის შედეგად გარდაცვლილი არასრულწლოვნების ძმებს სტიპენდიას უნიშნავს. ინფორმაციას ამის შესახებ პირველად bm.ge-მ გაავრცელა.

“მოზიარე ვართ თქვენი დიდი მწუხარების. ყველაზე კარგად ჩვენს ოჯახს ესმის, რას გრძნობთ ახლა, რა ტკივილი გაქვთ და როგორ დათმობდით ყველაფერს, რომ თქვენი ცოლი და შვილები გადაგერჩინათ. ვერაფრით განუგეშებთ, რადგან ეს ტკივილი არის განუკურნებელი. ერთადერთი, რითაც ჩვენს ოჯახს შეუძლია გამოხატოს თქვენდამი თანადგომა — ნიკოს სტიპენდიაა. ჩვენი გადაწყვეტილებით, თქვენი შვილები ყოველთვიურად მიიღებენ ნიკოს სტიპენდიას, რომლითაც იმედი გვაქვს, შეძლებისდაგვარად უზრუნველვყოფთ მათთვის უკეთესი განათლების მიცემის შესაძლებლობას. გვჯერა, რომ მხოლოდ განათლებულ, პასუხისმგებლობის მქონე პროფესიონალ ადამიანებს შეუძლიათ იმ უკეთესი საქართველოს მშენებლობა, რომელშიც ასე გვინდოდა, რომ ჩვენს შვილებს ეცხოვრათ”, — ნათქვამია წერილში.

ნიკო კვარაცხელია ქართველმა მომხმარებელმა მისი ავტორობით შექმნილი პროექტის — FEEDC -ის საშუალებით გაიცნო. იგი მალევე მოხვდა Forbes-ის, წარმატებული ახალგაზრდებისთვის შექმნილ პროექტში — Forbes Under 30-ში.

ის ვერაზე 15 სექტემბერს დაჭრეს, რომელიც იმავე დღეს კლინიკაში გარდაიცვალა.

წყარო: on.ge

დატოვეთ კომენტარი

კომენტარები

მსგავსი სიახლეები

Back to top button
Close