საზოგადოება

ქიბარ ხალვაში: „გადაწყვეტილება მიღებულია და მე გავიმარჯვე – „რუსთავი 2“ მეკუთვნის მე“

ბიზნესმენი ქიბარ ხალვაში არ ფიქრობს, რომ სტრასბურგის სასამართლო საქართველოს უზენაესი სასამართლოს დიდი პალატის მიერ მიღებული გადაწყვეტილებისგან განსხვავებულ განაჩენს გამოიტანს. ამის შესახებ მან ტელეკომპანია „იმედს“ განუცხადა.

„ჩვენ ყოველთვის ვცდილობთ, კანონის ჩარჩოში ვიყოთ. რის საშუალებასაც მოგვცემს კანონი, იმას გავაკეთებთ. დაველოდებით შემდგომ ინსტანციებს. მე არ ვფიქრობ, რომ სტრასბურგის სასამართლო რამე სხვა გადაწყვეტილებას მიიღებს.

გადაწყვეტილება მიღებულია და მე გავიმარჯვე – „რუსთავი 2“ მეკუთვნის მე. თუ კანონმა საშუალება არ მომცა, კომპანიაში შეიძლება ვიყო სტუმრის სტატუსით. ძალით ხომ ვერ დავიპყრობ იქაურობას“, – განუცხადა ტელეკომპანია „იმედს“ ქიბარ ხალვაშმა.

საქართველოს უზენაესი სასამართლოს დიდმა პალატამ 2 მარტს სამაუწყებლო კომპანია „რუსთავი 2“-ის წილების 60 პროცენტის მესაკუთრედ ქიბარ ხალვაში, ხოლო 40 პროცენტის – შპს „პანორამა“ ცნო.

3 მარტს, „რუსთავი 2“-ის მიმართვის საფუძველზე, სტრასბურგის სასამართლომ უზენაესი სასამართლოს გადაწყვეტილების აღსრულება შეაჩერა.

6 მარტს ბიზნესმენმა ქიბარ ხალვაშმა სტრასბურგის სასამართლოს მიმართა და საქმეში მესამე მხარედ ჩართვა მოითხოვა.

 news.ge

დატოვეთ კომენტარი

კომენტარები

მსგავსი სიახლეები

One Comment

Leave a Reply

Your email address will not be published.

Back to top button
Close