ქვეყნები, სადაც მოქალაქეობა იყიდება

ქვეყანაში ინვესტორების მიზიდვისა და ბიუჯეტის შევსების მიზნით, ზოგიერთი ქვეყანა მაქალაქეობას ყიდის. ბუნებრივია, რომ ეს ეკონომიკაში ინვესტირების სანაცვლოდ, მოქალაქეობის მიღების პროცედურის გამარტივების ლეგიტიმურ ოპერაციას წარმოადგენს და არა პირადობის დამადასტურებელი საბუთების პირდაპირ გაყიდვას.

ტენდენცია ბოლო წლების განმავლობაში მზარდია, რასაც საერთაშორისო სავალუტო ფონდი, იმ ფაქტით ხსნის, რომ მიმდინარე გეოპოლიტიკური კლიმატის ცვლილების პროცესებში ადამიანები უსაფრთხო პოლიტიკურ და ეკონომიკურ თავშესაფარს ეძებენ.

საერთაშორისო სავალუტო ფონდის მონაცემებით, მოქალაქეობის შეძენა სულ 250 000 დოლარად არის შესაძლებელი ანტიგუა და ბარბუდაში, გრენადაში და ასევე სენტ კიტსსა და ნევისში. კვიპროსის მოქალაქეობის მიღება კი 2,5 მილიონი ევრო ღირს. საკმაოდ იაფად ყიდის მოქალაქეობას კარიბის პატარა კუნძული დომინიკა და 100 000 ამერიკული დოლარი ჯდება. მალტის პარლამენტის გადაწყვეტილებით, ნებისმიერ მსურველს, 650 000 ევროს საფასურად, შეეძლება, მალტის მოქალაქეობა იყიდოს და თავისთავად, ევროკავშირის მოქალაქის უპირატესობითაც ისარგებლოს.

ფულადი სახსრების მოზიდვის მსგავს მეთოდს ბულგარეთიც მიმართავს და მსურველებს მოქალაქეობის მიღებას 500 ათასი ევროს ინვესტიციის საფასურად სთავაზობენ. რაც შეეხება ავსტრიას, ის 10 მილიონი ევროს უძრავ ქონებაში დაბანდებას მოითხოვს. სპეციალისტის შეფასებით, ყოველწლიურად რამდენიმე ათასი ადამიანი ხარჯავს დაახლოებით 2 მილიარდ ამერიკულ დოლარს მეორე ან მესამე პასპორტის მისაღებად.

რაც შეეხება პროცედურებს მოქალაქეობის მისაღებად, დომინიკაში საჭიროა 100 000 დოლარის ინვესტიციის განხორციელება და დამატებითი გადასახადებისა და მოსაკრებლების გადახდა, რის შედეგადაც დაინიშნება პირადი გასაუბრება და მოგენიჭებათ მოქალაქეობა. პასპორტის მისაღებად კი 5-დან 14 თვემდე დაგჭირდებათ. ასევე სენტ-კიტსსა და ნევისში, სახელმწიფო მოქალაქეობის მიღების ორ გზას სთავაზობს – მსურველმა უნდა განახორციელონ 250 000 დოლარის საქველმოქმედო შენატანი შაქრის მრეწველობის დივერსიფიკაციის ფონდის სასარგებლოდ, ან ქვეყნის უძრავ ქონებაში არანაკლებ 400 000 დოლარის რაოდენობის ინვესტიცია უნდა ჩადოს. იგივე პრინციპი ვრცელდება, გამონაკლისების გარდა, სხვა ქვეყნების კანონმდებლობაზეც.

წყარო buisnescontact.ge

დატოვეთ კომენტარი

კომენტარები