საზოგადოება

“ქვეყანაში დაბრუნების შანსი რომ მიეცეთ, დამიჯერეთ ემიგრანტების ნახევარი დაბრუნდება მხოლოდ, ან ნახევარზე ნაკლები”

მოგესალმებით. მე მოგწერთ, თქვენ გინდათ გამოაქვეყნეთ თქვენს საიტზე გინდა არა, თქვენი გადასაწყვეტია.

ვაკვირდები რა დღევანდელ ყოფას, გაუქრათ ქართველებს საკუთარი ქვეყნის იმედები. რამდენი ადამიანია გადახვეწილი უცხო ქვეყანაში, კიდევ რამდენი გადაიხვეწება ღმერთმა იცის. ზოგჯერ მგონია საქართველოს ყველა ქართველი დატოვებს და გადაბალახდება ყველა სახლის ეზო.

თქვენ იძახით, ემიგრანტებმა გაჭირვებას თავი დააღწიეს და უკან მაინც არ ბრუნდებიანო, გიფიქრიათ ამის მიზეზებზე? მათ აღარ აქვთ თავისი ქვეყნის იმედი, აღარც თავისი ხალხის, აღარც თავისი ოჯახების, ამიტომ ურჩევნიათ სხვის მოხუცებს მოუარონ, ამაში ფულს მაინც გადაუხდიან. ქვეყანაში დაბრუნების შანსი რომ მიეცეთ, დამიჯერეთ ემიგრანტების ნახევარი დაბრუნდება მხოლოდ, ან ნახევარზე ნაკლები და ისიც ემიგრანტის ყველაზე გაჭირვებული ფენა, “ნორმალურ ცხოვრებას” რომ ვერ გაუგო გემო. ემიგრანტებს გამოუმუშავდათ უკვე იმუნიტეტი რომ თავის ქვეყანას ისინი ფეხებზე კიდია, ნელ-ნელა მათი ოჯახებისთვისაც ფულის საჭრელი მანქანების ფუნქციას ითვისებენ და არავის აინტერესებთ რის ფასად უზით თითოეული თეთრი.

რომ დააღებენ პირს და იძახიან, ჩამოდით ჩამოდითო!! სად ეპატიჟებით? იმ ქვეყანაში, საიდანაც ერთი სული გაქვთ თვითონ როდის გაიქცევით?! სხვის საქმეში ყველა ბრძენიაო. ვერ გაძღა მთავრობა ემიგრანტების გამოგზავნილი ფულით, ოჯახიც ხრამია, ვერა და ვერ ამოავსო, ვერადა ვერ ამოყორა, სხვისი მოვლის სანაცვლოდ აღებული ფულით ამ ქართველმა ქალმა და რა ქნან?! შეეშვით, თუ არ ეხმარებით სიცოცხლეს მაინც ნუ უმწარებთ!

დაანებეთ თავი ემიგრანტებს, იმის მაგივრად ფეხები უკოცნოთ, იქეთ ითხოვთ ფეხების დაკოცნას!

პატივისცემით სალომე, საქართველოდან.

Gansxvavebuli.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close