საზოგადოება

,,შიმშილობა, პერფორმანსები, მსვლელობები და რაღაც-რუღაცეები, დღეს აზრს მოკლებულია”

,,დატოვონ რეჟიმი ერთპარტიულ მმართველობაში და განაახლონ ის ფორმატი, რომელმაც თავის დროზე ყველაზე ხელშესახები შედეგები დადო"

როდესაც კრიზისს ხელოვნურად, მოჩვენებითად დაარეგულორებ, სინამდვილეში ის კიდევ უფრო სიღრმეებში განვითარდება. ამის ნათელი მაგალითია ფოტოზე აღბეჭდილი კადრი პრეზიდენტის სასახლიდან, როდესაც ხელი მოეწერა შარლ მიშელის დოკუმენტად წოდებულ აბსურდს, რომლის შინაარსიც ვერანაირად პასუხობდა არსებულ გამოწვევებს. ეს ფაქტი მოგვინათლეს კრიზისის დასასრულად, დღეს კი სადაც ვართ, ყველა კარგად ვხედავთ
შესაბამისად, თუ მართლა ვეძებთ გასაღებს, რომელიც ჩიხში შესულ პროცესს კანონზომიერ კალაპოტში დააბრუნებს, ყველაფერი უნდა დავიწყოთ იქიდან, სადაც მოხდა შეცდომის დაშვება. სრულიად ოპოზიციამ უნდა დატოვოს პარლამენტი, ახლა უკვე საკრებულოებიც, დატოვონ რეჟიმი ერთპარტიულ მმართველობაში და განაახლონ ის ფორმატი, რომელმაც თავის დროზე ყველაზე ხელშესახები შედეგები დადო.
ყველა სხვა მეთოდი როგორიც არის შიმშილობა, პერფორმანსები, მსვლელობები და რაღაც-რუღაცეები დღეს აზრს მოკლებულია. მოდით პირდაპირ ვთქვათ – ოპოზიციონერი დეპუტატები სანამ საკანონმდებლო ორგანოში სავარძლებს იკავებენ, იბრძვიან მოჩვენებითად და საკუთარ კომფორტს არ თმობენ სახელმწიფო ინტერესების სასარგებლოდ
და შემდეგში რომ მკითხავთ თუ სად ვართ ლეიბორისტები და რატომ არ ვუერთდებით პროტესტს, იცოდეთ რომ არ გვაქვს ზედმეტი დრო და ენერგია მოჩვენებით და უპერსპექტივო პროტესტებში მონაწილეობისთვის.
შალვამ კარგად თქვა გუშინ ტვ პირველზე – ჩვენ არ ვართ პარტია გამოძახებით. თუ მართლა გინდათ შედეგი, გვაჩვენეთ რომ მართლა იბრძვით (კონსტიტუციურ ფარგლებში თავისთავად).
მიშკა ქუმსიშვილი, ლეიბორისტული პარტიის ახალგაზრდული ორგანიზაციის თავმჯდომარე

დატოვეთ კომენტარი

კომენტარები

მსგავსი სიახლეები

Back to top button
Close