საინტერესო

ფრთხილად, ძალიან შხამიანია! _ მცენარე, რომელიც საქართველოში მრავლად არის

ამქვეყნად საკმაოდ ბევრი ისეთი მცენარე არსებობს, რომელიც თავისი სილამაზის მიუხედავად, საკმაოდ სახიფათოა. ცოტა ხნის წინ თქვენი მონამორჩილი სამარშრუტო ტაქსით მგზავრობდა. გვერდით ქალბატონი მეჯდა, რომელსაც ლაპარაკის საღერღელი აშლოდა და ათას სხვადასხვა თემას მოედო. უცებ ქუჩაში ლამაზი ყვავილების ბუჩქი დაინახა და ყველას გასაგონად წამოიძახა: “აი, ეს ოლეანდრია, ლამაზი, მაგრამ ძალიან საშიში მცენარე… ერთი-ორი წლის წინ პიკნიკზე იყვნენ ახალგაზრდები, ოლეანდრის ტოტი მოუტეხავთ მწვადების შესაწვავად და ისე მოიწამლნენ, ვეღარავინ უშველათ…”

რასაკვირველია, დავინტერესდი ოლეანდრით, რომლითაც სავსეა თბილისის ქუჩებიც და საქართველოს ბევრი სხვა ქალაქისაც.
ეს დეკორატიული მცენარეა, რომელიც მრავლადაა პარკებსა და სკვერებში და ასევე არსებობს ქოთნის მცენარის სახით, მცენარის ბევრ მოყვარულს აქვს სახლში. გარდა ამისა, არსებობს ოლეანდრის ხეც…
ოლეანდრი ძალიან ლამაზია, თუმცა უნდა იცოდეთ, რომ ის შხამიანიც არის, ცხოველიც კი არ ეკარება. ოლეანდრის არა მარტო ქორფა ნაყოფია საშიში, არამედ მისი გამხმარი ფოთლები და ტოტებიც კი. ოლეანდრის წვენი თვალში მოხვედრის შემთხვევაში ძალიან ადვილად აბრმავებს ადამიანებს. ოლეანდრთან შეხებისას აუცილებლად უნდა გეკეთოთ ხელთათმანები. ასევე აუცილებელია სხვა უსაფრთხოების ნორმების დაცვაც.
ოლეანდრით მოწამვლის შემთხვევაში ადამიანს აღენიშნება პირის წვა, თავბრუსხვევა, გულისრევა, ფაღარათი, ტაქიკარდია, პულსის შენელება, გონების დაკარგვა და საბოლოოოდ ლეტალური შედეგი – გარდაცვალება.

ოლეანდრით მოწამვლის შემთხვევაში პირველ რიგში უნდა გამოიწვიოთ გულისრევა, სასწრაფოდ უნდა დალიოთ რძე ან უმი კვერცხის ცილა. აუცილებელია სასწრაფოდ საავადმყოფოში გადაყვანა. ოლეანდრის ანტიდოტი ატროპინია.

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close