საზოგადოება

ფოსტალიონმა სი-თი პარკისგან წერილი მიიღო

ფოსტალიონის“ მიერ დაბეჭდილ სტატიას: „სი-თი პარკის თანამშრომლებმა კაცს თან მანქანა დაუზიანეს და თან სცემეს“ გამოხმაურება „სი-თი პარკისგან“ მოყვა.

„მოგახსენებთ, რომ აღნიშნული შემთხვევა შპს „სი-თი პარკის“ სპეციალურ დაცულ სადგომზე მოხდა 2015 წლის აგვისტოს თვეში, რის შესახებაც ვიდეო მასალა ინტერნეტ სივრცეში გავრცელდა 2015 წლის 28 აგვისტოს, (დასტურად შეგიძლიათ იხილოთ ქვემოთ მოცემული ბმულების ატვირთვის თარიღები)

https://www.myvideo.ge/?video_id=2625923; https://www.myvideo.ge/v/2625925; https://www.myvideo.ge/v/2625924;

შპს „სი-თი პარკის“ ინსპექტორების მიერ მოხდა რუსული სახელმწიფო ნომრებით პარკირებული სამართალდამღვევი ავტომანქანის ევაკუაცია, რის შემდეგაც, ავტომანქანის გამოსაყვანად მისული პირები გამოირჩენოდნენ აგრესიით და შეურაცხყოფას აყენებდნენ, როგორ სი-თი პარკის“ თანამშრომლებს, ასევე დაცვის სამსახურის წარმომადგენლებს. უნდა აღინიშნოს, ეს როგორც ვიდეო მასალიდანაც დასტურდება, „სი-თი პარკის“ წარმომადგენლები ცდილობდნენ სიტუაციის დამშვიდებას და კონფლიქტის მოგვარებას. აქვე გაცნობებთ, რომ ვიდეომასალაში დაფიქსირებული დაცვის სამსახურის წარმომადგენლები აღარ მუშაობენ „სი-თი პარკის“ სადგომზე.

საპატრულო პოლიციის ადგილზე გამოცხადებისას მათ მიიღეს გადაწყვეტილება და კონფლიქტში ჩართული ყველა პირი გადაიყვანეს საგამოძიებო სამსახურში, საქმის შემდგომი წარმოებისათვის. თუმცა მათ მიერ წარდგენილ იქნა განცხადებები, რომ ერთმანეთის მიმართ პრეტენზიები არ გააჩნიათ და სისხლის საქმე არ აღიძრა. ასევე აღსანიშნავია, რომ ავტომანქანის მესაკუთრეს პრეტენზია არ ჰქონია ავტომანქანის დაზიანების შესახებ, რაც ასევე დაადასტურა წერილობით“ _გვწერს „სი-თი პარკი“.

 

წყარო: postalioni.com

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close