საინტერესო

უხერხულობები, რომლებიც მგზავრებს სწრაფი მატარებლით მგზავრობისას ექმნებათ

დამოუკიდებელი სამედიცინო ექსპერტი მაია ნიკოლეიშვილი ფეისბუქის საკუთარ გვერდზე საქართველოს რკინიგზის „უხერხულობებზე“ წერს: 

„ხშირად ვსარგებლობ საქართველოს რკინიგზის სწრაფი (დღის) მატარებლებით. უკვე ჩანს, რომ ბევრი ტურისტი სარგებლობს რკინიგზით, მაგრამ არის ბევრი „უხერხულობა”, რომელიც, ჩემი აზრით, არ უნდა იყოს ძნელი გამოსასწორებელი:
-თბილისი ცენტრალის მეორე ბაქანზე ასფალტის საფარი ძალიან ცუდია და მასზე გორგოლაჭებიანი ჩანთით გადაადგილება ძალიან ძნელია (არც პირველზეა სარკესავით სწორი!
-მეორე ბაქანზე ჩანთით ჩამსვლელ-ამომსვლელისთვის არ არის არც ესკალატორი, არც გორგოლაჭებიანი ბარგის ასატანი სპეციალური ხაზი.
-თბილისში მატარებლით შემოსვლისას ძალიან უშნოდ ხვდება თვალს მარჯვენა მხრიდან ათასგვარად აჭრელებული ე.წ. „ბორჯომის ბაქანი”, ხომ შეიძლება თუნდაც ტიხრით მისი გამიჯვნა (თვალს მოფარება)?
-მატარებლიდან ცუდი სანახავია ე.წ. „გადასასვლელი ხიდი” მისი „შერემონტება” არ უნდა იყოს მილიონების საქმე.
-და კიდევ; დადგით, რა, მოლისში ნაგვის ყუთები! (აქ ჩერდება დღის მატარებლების უმეტესობა და მგზავრები სიგარეტის მოსაწევად ჩამოდიან, წამლად ერთი „საფერფლე”-ნაგვის ყუთიც არ არის.)
მე მინდა ჩვენც და სტუმრებმაც ლამაზი თბილისი და საქართველო ვიხილოთ.
p.s. ისე, სადგურმა „რიონმა” დააშავა რამე? ქუთაისისთვის მშვენიერი მისადგომია, ვინმემ რომ უპატრონოს-ან ქუთაისმა, ან რკინიგზამ? იქნებ საბჭოთა რკინიგზის სადგურის ძეგლად ტოვებენ? ესეც იდეაა!“

ზემოთჩამოთვლილ „უხერხულობებთან“ დაკავშირებით გვინდოდა, საქართველოს რკინიგზაში კომენტარი გაეკეთებინათ და ეთქვათ, თუ აქამდე ეს ყოველივე არ გაკეთებულა, ახლა მაინც თუ გამოსწორდება, მაგრამ რამდენიმედღიანი ლოდინის შემდეგ, კითხვებზე პასუხები ვერ მივიღეთ.   

წყარო: POSTALIONI.COM

დატოვეთ კომენტარი

კომენტარები

მსგავსი სიახლეები

Leave a Reply

Your email address will not be published.

Back to top button
Close