უკრაინული მედია: მსოფლიო პატრიარქმა რუსული დელეგაციის შეთავაზებული სასმელი არ დალია

09/02/2018

294

სტამბოლში, რუსეთისა და მსოფლიო პატრიარქების შეხვედრისას საინტერესო ინციდენტი მოხდა. უკრაინული მედია წერს, რომ კირილთან აუდიენციისას ბართლომეოსმა რუსული დელეგაციის მიერ შეთავაზებულ სასმელზე უარი თქვა. სასმელი არც სხვა სასულიერო პირებმა დალიეს.

უკრაინული მედია არ გამორიცხავს, რომ ბართლომეოსის უარი მომწამვლელ ნივთერება, „ნოვიჩოკთან“ დაკავშირებული მოვლენებით ყოფილიყო განპირობებული.

გარდა ამისა, ჟურნალისტები კიდევ ერთ ეპიზოდზე ამახვილებენ ყურადღებას; როდესაც დელეგაციის წევრმა კირილს სასმელი ლანგრით მიართვა, მოულოდნელად, დაცვამ პატრიარქს სასმისი შეუცვალა.

სტამბოლში წმიდა სამების საკათედრო ტაძარში, მსოფლიოს მართლმადიდებლური ეკლესიების წარმომადგენლების სხდომა მეორე დღეა მიმდინარეობს. შეხვედრაზე სხვა თემებთან ერთად, განიხილება ისეთი ისტორიული საკითხი, როგორიც უკრაინისთვის ავტოკეფალიის მინიჭებაა. სხდომა სამ სექტემბერს დასრულდება.

დღის მეორე ნახევარში ცნობილი გახდება, გასცემს თუ არა მსოფლიო პატრიარქი ბართლომეოსი სპეციალურ ბრძანებას, ე.წ. – „ტომოსს“, რომელიც უკრაინის ეკლესიისთვის ავტოკეფალიის მინიჭებისთვის აუცილებელი პროცედურაა. ბრძანების გაცემამდე სასულიერო პირების შეკრებაზე სინოდთან მსოფლიო პატრიარქი კონსულტაციებს გამართავს და მსოფლიო მართლმადიდებლური ეკლესიების წარმომადგენლებთან ერთად განსაზღვრავს იმ თარიღს, როცა ე.წ. ტომოსის გადაცემის ვადები განისაზღვრება.

გავრცელებული ინფორმაციით, მსოფლიო პატრიარქმა უკრაინის მართლმადიდებელი ეკლესიისთვის ავტოკეფალიის მინიჭება უკვე გადაწყვიტა.

წყარო: imedinews.ge