უკვე მე-16 შემთხვევა. კანადის სანაპიროზე პოულობენ ფეხსცმელს მოჭრილ ფეხთან ერთად

სელიშის ზღვის სანაპიროზე ახალგაზრდა წყვილმა იპოვა სპორტული ფეხსაცმელი, რომელშიც მოჭრილი ფეხი იდო. ადგილზე მისულ პოლიციას სულაც არ გაჰკვირვებია ეს ამბავი, როგორც აღმოჩნდა 2007 წლიდან მოყოლებული ეს უკვე მე-15 ფეხსაცმელია.

ზღვის სანაპიროზე, რომელიც კანადის ჩრდილო-დასავლეთ ნაწილში მდებარე ბრიტანული კოლუმბიის ტერიტორიაზე მდებარეობს და ამავე დროს მოიცავს ვაშინგტონის შტატის სამხრეთ-დასავლეთ ნაწილს, უკვე 9 წელია ზღვას ნაპირზე გამოაქვს ადამიანის ფეხსაცმელი მოჭრილი ფეხით. პოლიციის თქმით, ყველა ფეხსაცმელი სპორტულია და მარჯვენა ფეხისაა. სამი მათგანი New Balance ფირმისაა, ორი-Nike და დანარჩენი Ozark Trail. მედიკოსებმა დაადასტურეს, რომ ახალგაზრდა წყვილის მიერ ნაპოვნ ფეხსაცმელში ადამიანის სხეული ნაწილია.

პოლიცია სხვადასხვა ვერსიაზე მუშაობს. არ გამორიცხავენ არც 2004 წლის ცუნამს, არც სერიულ მკვლელობას და არც ნარკოდილერების მიერ მოკლულ ადამიანებს. თუმცა ძირითად ვერსიად თვითმკვლელობა რჩება. სამართალდამცველების ინფორმაციით ნაპოვნი ფეხების უმეტესობის პატრონები ფსიქიატრიული კლინიკის პაციენტები არიან. კრიმინოლოგი გრეილ ანდერსონი ვარაუდობს, რომ უმეტესობა მათგანი ხიდიდან ხტებოდა, რომ სიცოცხლე თვითმკვლელობით დაესრულებინა, ისიც უნდა აღინიშნოს, რომ მომხდარის ოფიციალური ვერსია ამ ეტაპზე არ არსებობს. პოლიცია ცდილობს დაადგინოს რატომ აღწევს ზღვიდან მხოლოდ სპორტული ფეხსაცმელი და ისიც მხოლოდ მარჯვენა ფეხის.

წყარო: postalioni.com

დატოვეთ კომენტარი

კომენტარები