საზოგადოება

,,ტენდერებში ,,გამარჯვებულ” იაფ და უვარგის მუშახელს ვანადგურებინებთ საქართველოს კულტურულ მემკვიდრეობას”

,,სასულიერო პირები მძიმე დღეში არიან..."

მორიგი საგანგაშო ინფორმაცია მივიღე სვანეთიდან – მამის ეკლესია კვლავ მძიმე დღეშია, არაფერი კეთდება მის გადასარჩენად. ესაა ეკლესია, რომლის ფრესკები არაერთ ქვეყანას შეშურდებოდა. რა გვჭირს?! რატომ ვერ ვალაგებთ ძეგლებს მნიშვნელობის მიხედვით? რატომ არ გვყავს კვალიფიციური მმართველები, ინჟინრები, არქიტექტორები, რესტავრატორები?! მე კი ვიცი, რატომაც არა გვყავს,  მაგრამ სახელმწიფოს მესვეურები ჩვენზე მეტს არ უნდა ფიქრობდნენ?! კიდევ უარესი ისაა, რომ არა გვაქვს მოქნილი კანონი და ტენდერებში “გამარჯვებულ” იაფ და უვარგის მუშახელს ვანადგურებინებთ საქართველოს კულტურულ მემკვიდრეობას. ბევრს ვფიქრობ ამ პრობლემაზე. ნუთუ, არ შეიძლება, რომ ნიჭიერ და მშრომელ ახალგაზრდათა ჯგუფი, რომელსაც უკვე ნასწავლი ექნება აქ: ქართული ხელოვნება, ქართული არქიტექტურა, ეთნოგრაფია, რესტავრაციის მეთოდები და ა. შ. სახელმწიფოს ხარჯით გაიგზავნონ იტალიასა და საფრანგეთში, რათა აითვისონ იქაური გამოცდილება, გაიარონ პრაქტიკა იქაურ ძეგლთა მიმდინარე კონსერვაციასა თუ რეტავრაციაში და ამ დიდი ცოდნით დაგვიბრუნდნენ. მათვე შექმნან აქ ბრიგადები და იმუშაონ, ყოვლად სულელური და დამანგრევრლი ტენდერების გარეშე, სრულად სახელმწიფოს დაფინანსებით. ასევე, აუცილებლად მესახება ათვისება სიახლისა – როგორ ადაპტირდება საეკლესიო ცხოვრებისათვის ისტორიული ძეგლი – ეკლესია. მონასტერი, როგორ თბება იგი, როგორ შეჰყავთ შიგნით დენი და სხვა. ძალიან მძიმე დღეში არიან ჩვენში სასულიერო პირები, შეჰყურებენ სახელმწიფის, რომელიც ვერ სწვდება ყველაფერს, ან არ ჰყავს კომპეტენტური კადრები და მღვდლები, რესლურს ვერაფერს უკეთებენ და ბერები თვითნებურად მოქმედებენ. ბევრი რამ გააფუჭეს. ამიტომ საჭიროა უცხოური გამოცდილების შესწავლა და გამოყენება. ძალიან ვწუხვარ, ათას სისულელეში რომ იხარჯება ბიუჯეტი და მთავარი ხელიდან გვეცლება.
როზეტა გუჯეჯიანი, პროფესორი

დატოვეთ კომენტარი

კომენტარები

მსგავსი სიახლეები

Back to top button
Close