„სხვისი ჭირი, ღობეს ჩხირი – ამ ოთხი სიტყვით შეიძლება განისაზღვროს ქართველთა შორის ურთიერთდამოკიდებულება“

„სხვისი ჭირი, ღობეს ჩხირი – აი, ამ ოთხი სიტყვის შინაარსობრივი წყობით შეიძლება განისაზღვროს დღეს ადამიანთა, განსაკუთრებით, ქართველთა შორის ურთიერთდამოკიდებულება. – ამის შესახებ მალხაზ ძიძიგური სოციალურ ქსელში წერს, მიზეზად კი იმ გულგრილობას ასახელებს, რომელსაც საზოგადოება გია მაისაშვილის მიმართ იჩენს.

მალხაზ ძიძიგურის თქმით, ასეთ დროს ფინანსურად შეძლებული ადამიანები ნაკლებად აქტიურობენ ხოლმე, ამიტომ ცნობილი ქართველი ეკონომისტის დახმარებას მთლიანად საზოგადოებას სთხოვს.

„SOS! SOS! SOS!
–ძლიერ შეიცვალა ქართველი ერი, განსაკუთრებით, “ძლიერნი ამა ქვეყნისანი”.
–სხვისი ჭირი, ღობეს ჩხირი–აი, ამ ოთხი სიტყვის შინაარსობრივი წყობით შეიძლება განისაზღვროს დღეს ადამიანთა, განსაკუთრებით, ქართველთა შორის ურთიერთდამოკიდებულება.

–აბა, სხვა რა დავარქვათ იმ გულგრილობას, რასაც კარგი ქართველის, საქართველოს, მართლაც, დიდი მოსიყვარულის ბატონ გია მაისაშვილის მიმართ ვიჩენთ?
–სიცოცხლე სწყურია ამ კეთილშობილ ადამიანს, სიცოცხლე, რომელსაც, დარწმუნებული ვარ, საჭიროების შემთხვევაში უკანვე დაუბრუნებს ქვეყანასა და თითოეულ ადამიანს!
–მისი სიცოცხლის ხანგრძლივობა სურთ მის შვილებს, მეუღლეს, ახლობლებს, მეგობრებს, მთელს საქართველოს!
–ისინი გვევედრებიან, გვემუდარებიან, გადავარჩინოთ სიკვდილის მკლავებში მოქცეული მათი უახლოესი ადამიანი!
——————————————————————————————
–200 ათასი დოლარია საჭირო მის საზღვარგარეთ მკურნალობისათვის, ხალხო, 200 ათასი!
–საქართველოში ხომ, 10 ათასი მოქალაქე მაინც იქნება, რომელთათვისაც ეს თანხა არ წარმოადგენს ისეთ რაოდენობას, რომ რაიმე მატერიალური ზიანი მიადგეს მათ ოჯახებს!
–პირადად მე ხვალ ბატონი მაისაშვილის ანგარიშზე გადავრიცხავ 100 ლარს, რაც ჩემი წლიური ბიუჯეტის, დაახლოებით, მეორასედია.

–ვთხოვ უმორჩილესად ყველა ადამიანს (ვინაიდან მდიდრები ასეთ შემთხვევებში ძნელად აქტიურობენ), გადარიცხეთ გია მაისაშვილის დახმარების ფონდში ამდენივე ნაწილი, რამდენსაც შევწირავ მე!

–გადახდის ქვითარს აუცილებლად დავდებ ხვალ ჩემს გვერდზე 11-12 საათზე.
–მოგიწოდებთ, გადავარჩინოთ კიდევ ერთი ლამაზი სიცოცხლე!
–წინასწარ გიხდით მადლობას
–შეგეწიოთ ყველას უფალი!
=================================================
გია ასეთი იყო(მარცხნივ), ახლა კი ასეთი გახდა(მარჯვნივ).
არავინ იცის, რას უმზადებს თითოეულს ბედისწერა!“- წერს მალხაზ ძიძიგური.

წყარო: sazogadoeba.ge

დატოვეთ კომენტარი

კომენტარები