საზოგადოება

“სუს-ი ვეღარ უზრუნველყოფს მოქალაქეების უსაფრთხო გარემოში ცხოვრებას”

ხელისგულზე დევს რეალობა, რომ შესაბამისი უწყებები და განსაკუთრებით სახელმწიფო უსაფრთხოების სამსახური ვეღარ უზრუნველყოფს მოქალაქეების უსაფრთხო გარემოში ცხოვრებას, – ამის შესახებ საქართველოს პარლამენტის პლენარულ სესიაზე, ფრაქცია ”ნაციონალური მოძრაობის” ერთ-ერთმა ლიდერმა ნიკა მელიამ, ბერი გაბრიელ სალოსის ქუჩაზე 21-22 ოქტომბერს ჩატარებული სპეცოპერაციის თემაზე საუბრისას განაცხადა.

როგორც ნიკა მელიამ აღნიშნა, მომხდარ ფაქტს ორი ახსნა აქვს – ერთი ვერსიით ქვეყნის უსაფრთხოების სამსახურს გამოეპარა ტერორისტების გადაადგილება ქალაქში და მეორე ის, რომ სახელმწიფო დონეზე რაღაც ჯგუფმა შეითანხმა მათი ქვეყანაში შემოყვანა გაურკვეველი მიზნებისა და ამოცანების შესასრულებლად.

”ამ ფაქტს აქვს მხოლოდ და მხოლოდ ორი ახსნა. ან მოხდა საერთაშორისო ტერორიზმში ბრალდებული ადამიანების შემოპარვა ქვეყანაში და შემდეგ მათ მოახერხეს განლაგება თბილისის ცენტრში. ეს მოახერხეს ისე, რომ თითქოს გამოეპარათ სპეცსამსახურებს წარმოუდგენელი შეიარაღება, რომელიც მათ მოაწყვეს საცხოვრებელ ბინაში. ან არის მეორე ახსნა, რომ სახელმწიფო დონეზე რაღაც ჯგუფმა შეითანხმა მათი ქვეყანაში შემოყვანა გაურკვეველი მიზნებისა და ამოცანების შესასრულებლად. შემდეგ ამ შეთანხმების დარღვევა მოხდა და შეთანხმების მიღმა განხორციელდა და განვითარდა ის მოვლენები, რომელიც ჩვენ ვიხილეთ,” -განაცხადა ნიკა მელიამ.

დეპუტატი ვარაუდობს, რომ პირველი ვერსია, პრაქტიკულად, გამორიცხულია რამდენიმე მიზეზის გამო.

”პირველი, პრაქტიკულად, არის გამორიცხული, ანუ ის რომ შემოგვეპარა, ვინაიდან სახელმწიფო უსაფრთხოების სამსახურის განცხადებით, ჩვენ ვიცით, რომ კვირების განმავლობაში ხორციელდებოდა ამ ადამიანებზე თვალთვალი. მეტიც, ნებისმიერი ჩვენგანი, დეპუტატი თუკი მიბრძანდება ისნის რაიონში, ნავთლუღში და გაესაუბრება იქ ადგილობრივ მაცხოვრებლებს, დარწმუნდება, რომ ყველა, პრაქტიკულად, ერთხმად საუბრობს, რომ არათუ რამდენიმე კვირის, არამედ თვეების განმავლობაში ხორციელდებოდა ამ საცხოვრებელ კორპუსზე თვალთვალი. ამას საუბრობს ადგილობრივი მოსახლეობა. ეს გამორიცხავს, რომ ეს ადამიანები იყვნენ შემოპარული.

აქედან გამომდინარე, ზედაპირზე დევს რეალობა, რომ სახელმწიფო უსაფრთხოების სისტემა არის მოშლილი. დასადგენია, თუ რეალურად რა იყო ამ ადამიანების მოტივი და მიზანი, ვინ შეუწყო ხელი, რომ ისინი უდრტვინველად ყოფილიყვნენ განლაგებული საცხოვრებელ კორპუსში თვეების განმავლობაში. ხელისგულზე დევს რეალობა, რომ შესაბამისი უწყებები და განსაკუთრებით სახელმწიფო უსაფრთხოების სამსახური ვეღარ უზრუნველყოფს მოქალაქეების უსაფრთხო გარემოში ცხოვრებას,” – განაცხადა ნიკა მელიამ.

”ნაციონალური მოძრაობის” დეპუტატმა კიდევ ერთხელ დააფიქსირა პარტიის პოზიცია, რომლის მიხედვითაც საჭიროა პარლამენტში საგამოძიებო კომისიის შექმნა.

”როდის, თუ არა დღეს, თითოეულმა ჩვენგანმა უნდა დავაწესოთ განსაკუთრებული კონტროლი მთავრობის საქმიანობაზე. იმ მთავრობის საქმიანობაზე, რომელიც არის ღრმა კრიზისში შესული და ვერც ერთი დამაჯერებელი და მკაფიო პასუხი განცხადების სახითაც ვერ მოვისმინეთ.

„ნაციონალური მოძრაობის“ ინიციატივაა, რომ შეიქმნას საგამოძიებო კომისია და ამ კომისიის ფარგლებში მოხდეს განხილვა იმისა, თუ რა ვითარებაში აღმოჩნდა ქვეყანა.” – აღნიშნა ნიკა მელიამ.

დატოვეთ კომენტარი

კომენტარები

მსგავსი სიახლეები

7 Comments

  1. 210614 17601Fantastic post, I conceive internet site owners need to learn a whole lot from this internet blog its rattling user genial . 511041

  2. 884927 366826This internet web site may be a walk-through its the data you wanted in regards to this and didnt know who must. Glimpse here, and you will absolutely discover it. 864557

  3. Enjoy ones site as its directly to the point but not technical. I’m keen on gadgets as well as anything tech connected thats the reason why i posted right here.

  4. 330420 260520I discovered your blog internet internet site on bing and appearance several of your early posts. Preserve up the really great operate. I just now additional the RSS feed to my MSN News Reader. Seeking toward reading far much more on your part down the road! 25965

Leave a Reply

Your email address will not be published.

Back to top button
Close