საზოგადოება

სუპერმარკეტების ახალი ხრიკი, რომელსაც მყიდველი შეცდომაში შეჰყავს _ ეს უნდა იცოდეთ!

მარკეტინგული ხრიკები მომხმარებლის ქვეცნობიერზე გავლენას ახდენს და მოქმედებისკენ მოუწოდებს. მიუხედავად იმისა, რომ მომხმარებლის მოტყუება კანონით ისჯება, ჩვენთან ეს სფერო არ რეგულირდება. ბოლო პერიოდში სულ უფრო ბევრი ადამიანი აღნიშნავს უკმაყოფილებით, რომ ზოგიერთ სუპერმარკეტში, ხშირ შემთხვევაში, დახლზე განთავსებულ პროდუქციას სხვა ფასი აქვს, სალაროსთან მისულებს კი რეალურად მეტის გადახდა უწევთ.

წესების შესაბამისად, პროდუქცია დახლზე გაკრული შტრიხკოდის ქვეშ უნდა დალაგდეს, სადაც ამ პროდუქციის შტრიხკოდი აწერია. თუმცა მომხმარებელი ამ მცირე, მაგრამ მნიშვნელოვან დეტალს ყურადღებას არ აქცევს. შედეგი კი ასეთია: მომხმარებელს ჰგონია, რომ შედარებით იაფფასიანი პროდუქტი აიღო, მაგრამ სალაროსთან გაცილებით ძვირს იხდის. მოლარის განმარტებით, შეცდომით სხვა ფასი დააწერეს, ან ფასდაკლება იყო, რომელიც დასრულდა და ფასების შეცვლა ვერ მოასწრეს. ეს საკმაოდ აპრობირებული მეთოდია. ხშირ შემთხვევაში, მომხმარებელი 30-40 თეთრის გამო პროდუქციას უკან არ აბრუნებს და ყიდულობს. არის შემთხვევები, როცა პროდუქტს ფასი საერთოდ არ აწერია, თუმცა თვითონ პროდუქტს აქვს დაკრული წებვადი ქაღალდი, რომელსაც ციფრები აწერია. მომხმარებელი, როგორც წესი, ამ ციფრებს ფასად აღიქვამს, თუმცა სალაროსთან სხვა ფასის გადახდა უწევს.

როგორ უნდა მოვიქცეთ, თუკი პროდუქციის ფასი დახლსა და სალაროსთან ერთმანეთს არ ემთხვევა და რა უფლებები აქვს მომხმარებელს პროდუქციის შეძენისა და მომსახურების დროს? ამ თემის ირგვლივ საქართველოს მომხმარებელთა ფედერაციის თავმჯდომარე მადონა კოიძე გვესაუბრა.

“პირველ რიგში მენეჯერი უნდა ჩავაყენოთ საქმის კურსში. შესაძლებელია ფასდაკლება იყო, რომელიც დასრულდა და არ იყოს გასწორებული დახლზე ფასი, მაგრამ თუკი ეს სხვაობა არ გასწორდა, ასეთ შემთხვევაში მომხმარებელს სრული უფლება აქვს შესაბამის ორგანოებს მიმართოს. ეს არის ფინანსური პოლიცია ან მომხმარებელთა დაცვის ორგანიზაცია. ეს არის ჩვეულებრივი კანონდარღვევა, რასაც ჰქვია მომხმარებლის შეცდომაში შეყვანა. არ აქვს მნიშვნელობა, ეს იქნება ხარისხთან, თუ ფასთან მიმართებაში, როდესაც არის ფასს სხვაობა, ეს არის მარკეტინგული ხრიკი თუ შეგნებულად მომხმარებლის მოტყუებისთვის დაწესებული ფასს სხვაობა, ამის შესახებ აუცილებლად უნდა ეცნობოს შესაბამის ორგანოებს, ვინაიდან ეს არის კანონდარღვევა. მომხმარებელს აუცილებლად უნდა მიეწოდოს სრულყოფილი ინფორმაცია, ხარისხის, უსაფრთხოების, შენახვის პირობების, პროდუქტის გამოყენებისა და რა თქმა უნდა, ფასის შესახებ. მარტივად რომ ვთქვათ, მაღაზიას პროდუქტის განთავსების ადგილზე მკაფიოდ უნდა ჰქონდეს მითითებული პროდუქტის ფასი. ფასის გამოანგარიშება მომხმარებლისთვის იოლი უნდა იყოს.

თუკი მაღაზიაშივე აღმოაჩენთ, პროდუქტზე მითითებულისგან განსხვავებული თანხა გადაგახდევინეს, მაღაზიიდან გაუსვლელად უნდა მოითხოვოთ გადახდილი თანხის უკან დაბრუნება. თუ ფასთა სხვაობას სახლში აღმოაჩინეთ, პროდუქციის უკან დასაბრუნებლად მტკიცებულება დაგჭირდებათ, ასეთი მტკიცებულება კი სალაროს ქვითარი და მაღაზიაში პროდუქტზე მითითებული ფასისთვის გადაღებული სურათია”, – განაცხადა მადონა კოიძემ.

AMBEBI.GE-სთან საუბრისას განსხვავებული არგუმენტები აქვთ სუპერმარკეტების მენეჯერებს. ისინი ამტკიცებენ, რომ ფასების სხვაობა ტექნიკური შეცდომითაა განპირობებული. ისინი ამბობენ, რომ დოლარის კურსის ცვლილების გამო, მენეჯერები ხშირი გადაფასების გამო, ფასების შეცვლას ვერ ასწრებენ.

მარკეტინგული ხრიკები თანამედროვე ბიზნესის განუყოფელი ნაწილია, რომელიც დიდი გათვლებისა და ხანგრძლივი შრომის შედეგია.

თიკო გურაშვილი
AMBEBI.GE

დატოვეთ კომენტარი

კომენტარები

მსგავსი სიახლეები

4 Comments

  1. 810255 694664I entirely agree! I came over from google and am seeking to subscribe. Exactly where is your RSS feed? 999700

  2. 955704 746862Cheers for this outstanding. I was wondering whether you were preparing of publishing comparable posts to this. .Keep up the exceptional articles! 105101

  3. Pingback: cot sex games

Leave a Reply

Your email address will not be published.

Back to top button
Close